Marso 17-23
PROVERBIO 5
Kansion 122 tan Pikakasi | Introduksion (1 min.)
1. Arawian so Seksual ya Imoralidad
(10 min.)
Makapaayat so seksual ya imoralidad (Pro 5:3; w00 7/15 29 ¶1)
Ampait so resulta na seksual ya imoralidad (Pro 5:4, 5; w00 7/15 29 ¶2)
Arawian so seksual ya imoralidad (Pro 5:8; w00 7/15 29 ¶5)
Aglabay ya iter na sister so cellphone number to ed sakey ya laki
2. Saray Espiritual a Kayamanan
(10 min.)
-
Pro 5:9—Akin et singam ‘iiter ed arum so kagalangan [o dignidad] mo’ no manggawa kay seksual ya imoralidad? (w00 7/15 29 ¶7)
-
Anto ran espiritual a kayamanan so labay yon inabang manlapud babasaen ed Biblia ed sayan simba?
3. Panagbasa na Biblia
(4 min.) Pro 5:1-23 (th leksion 5)
4. Pangigapo na Tongtongan
(3 min.) PANAGPULONG ED PUBLIKO. Imbitaan ed Memoryal so sakey ya aliwan Kristiano, tan usar moy jw.org pian mananap na naatendian to ya asingger ed ayaman to. (lmd leksion 6 punto 4)
5. Panagpawil
(4 min.) DIAD KAABUNGAN. Nen imbeneg, inawat na katongtong mo so imbitasyon parad Memoryal tan wala ray tepet to nipaakar ed satan. (lmd leksion 9 punto 5)
6. Panaggaway Disipulo
(5 min.) lff leksion 16 sumaryo, rebyu, tan salim iyan gawaen. No tepeten na iyaaralan mo no kasin walay asawa nen Jesus, ibangat mo no panon ton i-research so ebat. (lmd leksion 11 punto 4)
Kansion 121
7. Manalwar Kayo Pian Makapansiansia Kayon Malinis no Walay Inaro Yo
(15 min.) Pantongtongan kaiba iray ondedengel.
Say labay ya ibaga na pan-date et “antokaman ya gagawaen na duaran too ya walay panggusto da ed sakey tan sakey.” Nayarin man-date ira ya wala ray kaiba ra odino sikaran dua labat, diad publiko odino pribado, tan diad personal, telepono, odino diad text. Aliwan gakgalaw so pidi-date ta piiinaroan itan ya nayarin mangitonton ed panangasawa, kanian seryoso itan. Anto ray nayarin gawaen na saninaro, balanglan ugaw ni ra o matatken la ra pian napaliisan day seksual ya imoralidad?—Pro 22:3.
I-play so VIDEO ya Manparaan Parad Panangasawa—Part 1: Kasin Ready Ak Lan Miinaroan?—Video Clip. Insan itepet iraya:
-
Akin et agni dapat ya miinaroan so sakey no agni akaparaan ya mangasawa o miasawa? (Pro 13:12; Luc 14:28-30)
-
Antoy agustoan yo ed samay ginawa na atateng pian natulongan day anak da?
Basaen so Proverbio 28:26. Insan itepet iraya:
-
Anto ray gawaen na saninaro pian naiwasan da ray situasyon ya nayarin natukso ran manggaway seksual ya imoralidad?
-
Akin et mas maong no pantongtongan lan tampol na saninaro no anto ray nayari tan agda nayarin gawaen ed pangipanengneng day panangaro da ed sakey tan sakey, singa say pambembenan na lima odino panangoban?
Basaen so Efeso 5:3, 4. Insan itepet iya:
-
Antoy dapat ya tandaan na saninaro no mantotongtong ira ed telepono odino online?
8. Panag-aral na Kongregasyon ed Biblia
(30 min.) bt kap. 24 ¶1-6
