Say aro et singa glue ya paniibaen toy sakey a pamilya. No anggapoy aro, nairapan ya mankasakey so pamilya tan anggapoy kooperasyon da ed balang sakey. Panon ya ipanengneng na saray asawan lalaki, bibii, tan atateng so aro diad pamilya?

Say maaron asawan laki et ikonsidera to ray pankaukolan na asawa to, say panmoria to, tan say liknaan to. (Efe 5:28, 29) Itarya to so pisikal tan espiritual ya pankaukolan na pamilya to, kaiba la ditan so regular ya Panagdayew na Pamilya da. (1Ti 5:8) Say maaron asawan bii et manpasakop ed asawa to tan “walaan na aralem a respeto” ed sikato. (Efe 5:22, 33; 1Pe 3:1-6) Nepeg ya mabulos dan perdonaen so balang sakey. (Efe 4:32) Saray maaron atateng et walay personal ya interes da ed kada anak da tan ibabangat da ra ya aroen si Jehova. (De 6:6, 7; Efe 6:4) Anto ran subok so arapen na ananak da diad eskuelaan? Panon dan nasasarag so panedesdes na saray kaulop da? No manaaroan so interon pamilya, maligen so liknaan na balang sakey.

BANTAYAN SO VIDEO YA IPANENGNENG SO AGMANGANGGAN ARO DIAD PAMILYA, INSAN EBATAN IRAYAN TEPET:

• Panon ya papakanen tan papablien na maaron asawan laki so asawa to?

• Panon ya nipanengneng na maaron asawan bii so aralem a respeto ed asawa to?

• Panon ya nipurek na maaron atateng so Salita na Dios ed ananak da?