BILAY NA KRISTIANO
Mandesisyon na Duga no Nipaakar ed Iyinum na Alak
Nepeg ya kontrolen na amin ya Kristiano so sarili da no nipaakar ed alak. (Pro 23:20, 29-35; 1Co 6:9, 10) No oninum so sakey a Kristiano, nepeg ya dugaruga labat so karakel na inumen to. Paliisan toy magmaliw ya akadepende ed satan tan kaukolan ton ikonsidera so konsiensia na arum. (1Co 10:23, 24; 1Ti 5:23) Tandaan ya agtayo nepeg ya piliten so arum ya oninum na alak, lalo lad saray kabataan.
BANTAYAN SO WHITEBOARD ANIMATION YA ISIP MOY NAGAWA ANTIS KAN ONINUM, INSAN EBATAN IRAYAN TEPET:
-
Akin a nepeg ya unoren na amin ya Kristiano iray batas ed iyinum na alak?—Rom 13:1-4
-
Antoy gawaen tayo no walay manpilit ed sikatayon oninum?—Rom 6:16
-
Panon tayon makaiwas ed saray aliwliwan situasyon ya resulta na alabas ya kakainum na alak?
