No walay panangaro tayo, ontulong itan pian magmaliw itayon mapaabeba. (1Co 13:4) No inaro tayo ray agagi tayo, agtayo ipasen so sarili tayo ya mas atagey nen say sikara. Nanengneng tayo ray kamaongan da tan usaren tayo ray abilidad tayo pian tulongan ira. (Fil 2:3, 4) No lanang tayon ipapanengneng itan ya panangaro, mas usaren itayo nen Jehova ed panggaway linawa to.

BANTAYAN SO VIDEO YA NONOTEN NO ANTO SO PAKAPATNAGAN NA ARO—AGMANPAPAATAGEY, INSAN EBATAN IRAYAN TEPET:

• Anto ran regalo so walad si Absalom?

• Panon tayon nibaga ya aliway impangusar to ed saray regalon walad sikato?

• Panon tayon napaliisan so magmaliw ya mapaatagey?—Gal 5:26.