Inar-aro tayo ray agagi tayo kanian labay tayo ya maong so pansumpalan da. (1Co 13:4, 7) Singa bilang, no akagaway kasalanan tan adisiplina so sakey ya agi, iilaloan tayon awaten toy pangipepetek ed sikato. Maan-anos tayo ed saramay makapuy ni pananisia da tan tutulongan tayo ra. (Rom 15:1) No tinaynan na sakey so kongregasyon, agtayo ontutundan manilalo ya onsabi panaon et ompawil lanlamang.—Luc 15:17, 18.

BANTAYAN SO VIDEO YA NONOTEN NO ANTO SO PAKAPATNAGAN NA ARO—MANIILALO ED AMIN A BENGATLA, INSAN EBATAN IRAYAN TEPET:

• Akin ya nansalat na susuportaan si Abner?

• Antoy mandumaan ya reaksion nen David tan Joab ed kerew nen Abner?

• Akin et nepeg tayon manilalo ya maong so motibo na agagi tayo?