Diad ministeryo nen Jesus, inusar to ray kaplesan ya nagagawa pian ibangat iray importantin leksion. (Luc 13:1-5) Sarag mo met ya usaren iray kaplesan ya nagagawa pian naalam so interes na totoo ed mensahe na Panarian. Kayarim ya bitlaen so nipaakar ed ibibili na sasaliwen, natural ya kalamidad, panggugulo, druga, odino arum nin miparad saratan, tepetan so katongtong mo. Singa bilang, “Parad sika, onsabi ni kasi panaon ya anggapo lay . . . ?” odino “Anto kasi so solusyon ed . . . ?” Insan, manginabang na sakey a bersikulo ed Biblia nipaakar ed satan a topic. No angipanengneng na interes so katongtong mo, mangipabantay na video odino mangiyopresi na publikasyon ya walad Uusaren ed Panagbangat tayo. Legan tayon pansasagpotan ya sabien so puso na totoo ed teritorya tayo, komon ta ‘gawaen tayoy amin a bengatla nisengeg ed maong a balita.’—1Co 9:22, 23.

Anto ran topic so nagustoan na totoo ed teritorya yo?