Anto so audio ya Biblia? Say audio ya Biblia et rekording na in-revise ya New World Translation. Kalkalnan ire-release itan ed dakel ya lenguahe anggad posible. Say sakey ed saray balibali ed audio ya Biblia et nanduruma so boses ya inusar ed kada karakter na Biblia. Dugay danet tan emosyon na impanbasa ed saray salita pian suston nipasabi so mensahe na Biblia.

Panon ya natutulongan na audio ya Biblia so arum? Labalabay na dakel so ondengel ed audio ya Biblia ta nagmaliw ya mas mabilabilay so Salita na Dios. No narengel day nanduruman boses ed kada karakter na Biblia, mas naiimadyin da ray agawa ed Biblia tan mas natatalosan da imay akasulat. (Pro 4:5) Ibabaga met na dakel ya no naaaburido ira, makakatulong so idengel dad audio ya Biblia pian onkalma ira.—Sal 94:19.

No narerengel tayon babasaen so Salita na Dios, walay balibalin epekto na satan ed bilay tayo. (2Aw 34:19-21) No available ed lenguahe yo so audio ya Biblia balanglan kompleto odino andi ni, sarag mo kasin gawaen ya regular a kabiangan na espiritual ya rotinam so idengel ed satan?

BANTAYAN SO VIDEO YA SAY IMPANGGAWA NA AUDIO YA BIBLIA—EXCERPT, INSAN EBATAN IYAN TEPET:

Antoy pambiliban mo ed impanggawa na audio ya Biblia?