Mayo 27–Hunyo 2
SALMO 42-44
Kansion 86 tan Pikakasi | Introduksion (1 min.)
1. Manpaigiya ed Panangibangat nen Jehova
(10 min.)
Idayew si Jehova kaibay arum, tan mas maabig et diad face-to-face no posible (Sal 42:4, 5; w06 6/1 9 ¶4)
Manpikasi antis ya manaral na Salita na Dios (Sal 42:8; w12 1/15 15 ¶2)
Manpaigiya ed katuaan ya walad Biblia diad amin ya gawaen mod bilay mo (Sal 43:3)
Makatulong so panangibangat nen Jehova pian nasarag tayo ray subok tan tuloy-tuloy tayon makapanlingkor ed sikato.—1Pe 5:10; w16.09 5 ¶11-12.
2. Saray Espiritual a Kayamanan
(10 min.)
-
Sal 44:19—Antoy labay ya ibaga na balikas ya “diad ayaman na saray ason jakal”? (mwbr24.05—it-1 1242)
-
Anto ran espiritual a kayamanan so labay yon inabang manlapud babasaen ed Biblia ed sayan simba?
3. Panagbasa na Biblia
(4 min.) Sal 44:1-26 (th leksion 11)
4. Pangigapo na Tongtongan
(4 min.) PANAGPULONG ED KAABUNGAN. Iyopresi so panangiyaral na Biblia. (lmd leksion 5 punto 5)
5. Panagpawil
(5 min.) PANAGPULONG ED KAABUNGAN. Imbitaan so katongtong diad ontumbok ya publikon paliwawa. Ipabantay so video ya Antoy Gagawaen Diad Kingdom Hall? (lmd leksion 7 punto 5)
6. Paliwawa
(3 min.) lmd apendise A punto 4—Tema: Anggapo Lay Amin ya Klase na Sakit. (th leksion 2)
Kansion 21
7. Manggaway Makabat a Desisyon ed Pampili na Trabaho tan Edukasyon
(15 min.) Paliwawa ya mankomento iray ondedengel.
Sikayo ran kabataan, kasin iisipen yo la no antoy gawaen yo ka-graduate yod high school? Ompan wala lay iisipen yon trabaho ya makasuportad pampayunir yo. Odino ompan iisipen yoy manaral ni na vocational iran kurso pian makaaral na arum ya skill, makalay certificate, odino diploma ya makatulong ed sikayon makalmo na trabaho. Makapaliket iyan panaon na bilay yo! Balet ompan nanaaburido kayo no antoy pilien yo odino napi-pressure kayo ed gawaen yon desisyon ya mamaliket ed arum. Pero antoy makatulong ed sikayo pian makapanggawa kayoy maong ya desisyon?
Basaen so Mateo 6:32, 33. Insan itepet iraya:
-
Akin et mas maong no wala la ray naisip yon spiritual goal antis kayon manggawa na importantin desisyon tungkol ed trabaho tan edukasyon?
-
Panon ya natulongan na atateng iray ananak da ya iyaplika so Mateo 6:32, 33?—Sal 78:4-7
Manalwar ya aliwan say pampayaman odino pian onsikat so mangimpluensya ed saray desisyon yo. (1Jn 2:15, 17) Tandaan yo ya no dakel so kayamanan na sakey ya too, mairap ton iyuna ed bilay to so Panarian. (Luc 18:24-27) No pansasagpotan na sakey ya too so onyaman, nairapan ya onaligwas ed espiritual tan agto napaliket si Jehova.—Mat 6:24; Mar 8:36.
I-play so VIDEO ya Agmanmamatalek ed Saray Bengatlan Mangangga!—Kayamanan. Insan itepet iya:
-
Panon ya makatulong so Proverbio 23:4, 5 pian makapanggawa kay dugan desisyon?
8. Panag-aral na Kongregasyon ed Biblia
(30 min.) bt kap. 10 ¶5-12
