BILAY NA KRISTIANO
Sikayo Ran Kabataan—Loob Kayo ed “Baleg a Puerta”
Mainomay ya isipen ya agmanampot so panaon na kabataan tan agtayon balot naeksperiensya iray “makapagonigon ya agew” ya nagagawad saray maedad la diad mundo nen Satanas. (Ec 12:1) No sakey kan kabataan, kasin iisipen mon dakdakel ni panaon mo ya gawaen iray espiritual a kalat mo singa say sigpot-panaon ya ministeryo?
“Saray ag-iilaloan a nagawa et onsasabid” sikatayon amin, kaiba la ray kabataan. (Ec 9:11) “Agyo amta no antoy nagawa ed bilay yo nabuas.” (San 4:14) Kanian, agyo ipapaleen ya gawaen iray espiritual ya kalat yo. Loob kayo ed “baleg a puerta a mangitonton ed kimey” legan ya akalukas ni itan ed sikayo. (1Co 16:9) Agyo itan pagbabawian.
Saray nayarin espiritual a kalat:
-
Pampulong ed sananey a lenguahe
-
Panagpayunir
-
Panaral ed teokratikon eskuelaan
-
Panlingkor ed konstruksion
-
Panlingkor ed Bethel
-
Kimey ed sirkito