Saray pantitipon parad lawak na kimeyan, singa met ed amin ya aral na kongregasyon, et probisyon nen Jehova ya ontulong ed sikatayon makapansasagyatan ya mangaro tan manggaway maabig iran kimey. (Heb 10:24, 25) Nepeg ya limara anggad pitoran minuto labat so karukey na satan, kaiba lay pangorganisa ed saray grupo, pangiter na teritoryan kimeyan, tan pampikasi. (No say pantitipon et gawaen kayari na aral, nepeg ya mas antikey ni itan.) Kaukolan ya manparaan so mangikondukta na praktikal ya nausar na saray manpulong ed satan ya agew. Singa bilang, no Sabado et dakel so onatendi ya nayarin agni akapaway ed apalabas ya Lunes anggad Biernes, kanian mas praktikal no pantongtongan so nayarin ibaga ed saray nakatongtong da. Anto ni ray topic ya nayarin pantongtongan?

• Say suhestion parad pitongtong ya inalad Ministeryo tan Bilay na Kristiano—Workbook ed Aral

• No panon ya usaren so kaplesan ya nagagawa odino balita pian igapoy tongtongan

• No panon so dugan paraan na iyebat ed kontran katongtong

• No panon so onebat ed sakey ya ateista, manisia ed ebolusyon, dumay lenguahe to, odino say relihyon to et matalag ed teritorya yo

• No panon ya usaren so sakey a feature na website ya jw.org, say JW Library^® app, odino say Biblia

• No panon ya usaren so sakey ed saray publikasyon o video ya walad Uusaren ed Panagbangat

• No panon so mibiang ed sakey ya paraan na ministeryo singa say telephone witnessing, letter writing, public witnessing, panagpawil, odino panangiyaral na Biblia

• Saray panonot nipaakar ed safety, pagmaliw ya maong ya onadapta, pangipanengneng na maong ya ugali, odino arum nin miparad saratan

• Sakey a leksion odino video ya inalad brosyur ya Manseet Ka ed Panagbasa tan Panagbangat

• No panon mon pasesegen tan tulongan so ka-partner mo ed ministeryo

• Sakey a teksto ya onaplika ed ministeryo odino sakey ya makapaseseg ya eksperiensya ed lawak na kimeyan