Saray pikakasin makapaliket ed si Jehova et singa ra ambalbalingit ya insenso ya regular ya popoolan ed templo. (Sal 141:2) No ibabalikas tayod Ama tayod tawen so panangaro tan apresasyon tayo parad sikato, ibabaga tayod sikato iray kapagaan tan saray labay tayo, tan kekerewen tayoy panangigiya to, ipapanengneng tayo ya papablien tayoy relasyon tayod sikato. Siempre, ipapasen nen Jehova ya importantin kabiangan na panagdayew tayo iray antikey ya publikon pikakasi diad saray aral tayo. Balet, seguradon naliliketan si Jehova no diad personal ya pikakasi tayo et ibabalikas tayo ray walad puso tayo tan mas andukey so pampikasi tayo!—Pro 15:8.

BANTAYAN SO VIDEO YA LANANG AK YA MANPIPIKASI, INSAN EBATAN IRAYAN TEPET:

• Anto ray naawat nen Brother Johnson ya pribilehyo?

• Panon ya nanmatalek si Brother Johnson ed si Jehova panamegley na pikakasi?

• Anto ray naaralan mo ed eksperiensya nen Brother Johnson?