Imbaga nen Jesus ya makaalis so inkamaiter. (Luc 6:38) No iyugali tayoy mangiter, napakiwas iray agagi ya ipanengneng so kamaongan tan magmaliw met iran maiter.

Say inkamaiter et kabiangan na panagdayew tayo. Iimanoen nen Jehova iramay maliket ya mangiiter tan ontutulong ed saray agagin mankaukolan, tan impromisa to ya bendisyonan to ra.—Pro 19:17.

BANTAYAN SO VIDEO YA MISALAMAT KAMI TA IYUUGALI YOY MANGITER, INSAN EBATAN IRAYAN TEPET:

• Panon ya inusar iray donasyon yo diad intulong ed saray agagi?

• Akin et kaukolan tayon itultuloy ya iyugali so pangiter, melag man o baleg so niiter tayo?—Nengnengen met so artikulo ed jw.org ya “Papanoan na Saray Sulok Iray Kulang.”