BILAY NA KRISTIANO
Aro so Pakabidbiran na Saray Tuan Kristiano—Protektaan so Pankakasakey
NO AKIN YA IMPORTANTE: Diad samay labi antis na impatey nen Jesus, impikasi to ya saray disipulo to et “sigpot iran mankakasakey.” (Jn 17:23, paimanod leksab) Pian napansiansia tayoy pankakasakey tayo, kaukolan tayon ipanengneng so aro ya “agmanbibilang na impakasakitan.”—1Co 13:5.
NO PANON IYAN NAGAWAAN:
-
Aligen si Jehova ya say imanoen tayo et say kamaongan na arum
-
Mabulos ya mamerdona
-
Kayarin ayosen so agpantatalosan, agla ipapanonot itan.—Pro 17:9
BANTAYAN SO VIDEO YA “MANAAROAN KAYO”—AGMANBIBILANG NA IMPAKASAKITAN, INSAN EBATAN IRAYAN TEPET:
-
Diad unonan parte na video, panon ya napatnagan ed si Helen ya sikatoy ‘manbibilang na impakasakitan’?
-
Diad komaduan parte na video, panon ya alabanan nen Helen so negatibon panagnonot tan awalaan na positibon panmoria?
-
Panon ya akatulong si Helen ed pankakasakey na kongregasyon?
Siopan talagay sasakitan tayo no manbibilang tayoy impakasakitan?
