KAYAMANAN ED SALITA NA DIOS | ISAIAS 52-57
Si Kristo et Nanirap Parad Sikatayo
“Sikatoy binalawbalaw tan inarawian na totoo . . . Sikatoy impasen min sinalot, dinusa tan pinairap na Dios”
-
Binalawbalaw day Jesus tan inakusaan dan ininsulto toy Dios. Panisiaan na arum ya sikatoy dudusaen na Dios, a singa sikatoy papairapen panamegley na makapadimlan sakit
“Linawa nen Jehova a sikatoy manirap, . . . tan diad panamegley to et ontalona no antoy panlabayan nen Jehova”
-
Seguradon nairapan si Jehova nen anengneng ton papateyen so Anak to. Balet maliket lapud anengneng ton talagan matoor si Jesus. Say impatey nen Jesus et ebat ed akusasyon nen Satanas nipaakar ed katooran na saray lingkor na Dios tan lapud satan et minabang iray magbabawin totoo. Kanian tinmulong itan pian nasumpal so “linawa nen Jehova”
