Angusar si Jesus na saray ilustrasyon pian ibangat ya seryoson bengatla no nagapol ka odino nagapol moy arum.

18:6, 7

• Say “sengegay pakagapolan” et ontutukoy ed kiwas odino situasyon ya lapud satan et nabalang so sakey a too ed dugan dalan, natiror tan agto la naunor iray estandarte ed moral, odino napelag ed pankasalanan

• Siopaman ya sengegan na pakagapolan na arum et mas maong nin sabitan so beklew to na baton gilingan tan ipalereg ed dayat

18:8, 9

• Sinimbawa nen Jesus iray papatumbok to ya kaukolan dan ekalen iray bengatlan importante anggan say lima odino mata no pansengegan itan na pakagapolan da

• Mas maong nin isakripisyo iray ontan ya importantin bengatla tan makaloob ed Panarian na Dios nen say agmo ekalen itan balet say pansumpalan mo et diad Gehenna, ya simbolo na permanentin kadederal

Diad bilay ko, anto ray posiblin pansengegay pakagapolan, tan antoy gawaen ko pian agak pansengegan na pakagapolan ko odino na arum?