Panon kabayag mo lan aalagaren so isabi na Panarian na Dios? Kasin mansusungdo ka anggaman wala ray kairapan? (Rom 8:25) Saray arum ya Kristiano et bubusolen, mamaltratoen, ikukulong, odino tataktakoten ya pateyen. Saray arum ni et mansasakit na grabe odino ontatatken la.

Antoy makatulong ed sikatayon maanos ya manalagar antokaman so subok ya aarapen tayo? Kaukolan tayon pabiskegen so pananisia tayo diad inagew-agew a pambasa tan pandalepdep ed Biblia. Nepeg ya akapokus tayo ed ilalo tayo. (2Co 4:16-18; Heb 12:2) Kaukolan ya masimoon itayon manpikasi ed si Jehova tan kerewen ed sikato so pakayari na masanton espiritu to. (Luc 11:10, 13; Heb 5:7) Natulongan itayo na maaron Ama tayo ‘pian sigpot tayon makapansungdo a walaay anos tan liket.’​—Col 1:11.

BANTAYAN SO VIDEO YA KAUKOLAN YA “MANANOS ITAYON OMBATIK”​—MANMATALEK YA NAALAY PREMYO, INSAN EBATAN IRAYA:

• Anto ray nayarin “ag-iilaloan ya nagawa” ed bilay tayo? (Ec 9:11)

• Panon ya makatulong ed sikatayo so pikakasi no wala ray subok?

• No agtayo la nagawaan iray datin gagawaen tayo ed panaglingkor ed si Jehova, akin et kaukolan tayoy manpokus ed saray nagawaan tayo ni?

• Antoy makatulong ed sikatayo pian tuloytuloy itayon manmatalek ya naawat so premyo?