MAGMALIW YA EPEKTIBO ED MINISTERYO | GAWAM YA MAS MAKAPALIKET SO MINISTERYOM
Awaten so Tulong na Saray Kaiban Komikimey
Tutulongan itayo nen Jehova panamegley na “amin ya agagi” tayo. (1Pe 5:9) Sarag da tayon tulongan pian nasarag tayo ray subok ed ministeryo. Singa bilang, akaawat na tulong si apostol Pablo manlapud si Aquila tan Priscila, Silas, Timoteo, tan arum ni.—Gaw 18:1-5.
Panon kan natulongan na saray kaibam ya komikimey ed ministeryo? Sarag day mangiter na praktikal iran suhestion no panon kan onebat no walay onkontra, no panon mon gawaen so panagpawil, odino no panon kan mangiyopresi tan mangikondukta na panangiyaral na Biblia. Isip mo no siopa ed kongregasyon yo so makatulong ed sika, tan manpatulong kad sikato. Seguradon pareho kayon nagunggonaan ed satan, tan napaliket yoy sakey tan sakey.—Fil 1:25.
BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—AWATEN SO TULONG NEN JEHOVA—SARAY AGAGI TAYO, INSAN EBATAN IRAYAN TEPET:
-
Anto ray sinalin gawaen nen Neeta pian napaseseg toy Jade ya onatendi ed aral?
-
Akin ya nepeg tayon itagar so arum ya agagi no mangiyaral tayoy Biblia?
-
Makatulong so interon kongregasyon pian onaligwas so sakey ya iyaaralan
Antoy pamparehoan nen Jade tan Abigay?
-
Anto ran dunong ed ministeryo so nayarin ibangat ed sika na saray kaibam ya komikimey?
