Naliligliwa itayo ed ilalon kikioli no walay naandin inad-aro tayo. Balet siansia nin nabebelatan itayo tan singa itayo nanaaposan lapud epekto na kasalanan tan patey, ta singa itan abel ya manasakbong ed sikatayo. (Isa 25:7, 8) Atan so rason no akin ya “amin a pinalsa et saniiban oneey-ey tan nasasakitan.” (Rom 8:22) No naandian itayo na inad-aro, panon tayon nasarag so ermen ya nalilikna tayo ya anggad nagawa lay kikioli? Wala ray prinsipyo diad Salita na Dios ya makatulong ed sikatayo.

BANTAYAN SO VIDEO YA NO INATEYAN KA, INSAN EBATAN IRAYAN TEPET:

• Anto ray alikna di Danielle tan Masahiro tan Yoshimi nen naandian iray inad-aro?

• Panon ya akatulong ed sikara so limaran praktikal ya suhestion?

• Siopa so talagan panlalapuan na ligliwa?—2Co 1:3, 4