Dakel so subok ya dadalanen tayo diad sayan kaunoran iran agew. Legan ya manasingger so anggaan na sayan sistema na mundo, mas lalon onirap so kipapasen tayo. Ompan onkulang iray materyal ya pankaukolan tayo. (Hab 3:16-18) Antoy makatulong pian nasarag tayoy irap na bilay? Nepeg ya tuloytuloy tayon mantiwala ed Dios tayo, si Jehova. Im-promise to ya agton balot paulyan iray lingkor to, tan sarasarag ton itarya iray kaukolan tayo ed anggan anton kipapasen.—Sal 37:18, 19; Heb 13:5, 6.

No antoy nagawaan mo:

• Mikasi kad si Jehova ya ikdan to kay panangigiya, karunongan, tan suporta.—Sal 62:8

• Awaten iray trabahon agmo nin balot asali.—g-TG 1/10 8-9, saray kahon

• Ituloy moy maabig ya rotinam ed espiritual, kaibad satan so inagew-agew ya panagbasa na Salita na Dios, iyaatendi ed saray pantitipon na kongregasyon, tan pibibiang ed ministeryo

BANTAYAN SO VIDEO YA MANGIPAALAGEY NA ABUNG YA MAKAPANSIANSIA—“MANKONTENTO KAYO ED SARAY BENGATLAN WALAD SIKAYO,” INSAN EBATAN IRAYAN TEPET:

• Anto ran mairap ya subok so inarap na arum ya pamilya?

• Antoy sankaimportantian ed bilay?

• Panon tayon natulongan iramay naproproblema lapud irap na bilay?