BILAY NA KRISTIANO
Mantiwala Ka ed si Jehova no Walay Manbu-bully ed Sika
No walay man-bully ed sikatayo, apektado so pisikal tan emosyon tayo. Ompan nipeligro ni ingen so espiritualidad tayo no nataktakot tayod sikara lapud kokontraen day panagdayew tayo. Panon mon naprotektaan so sarilim ed saray manbu-bully ed sika?
Asarag na dakel ya mandadayew ed si Jehova ya arapen iray panag-bully lapud nantiwala irad si Jehova. (Sal 18:17) Singa bilang, agnampareen si Ester tan imbaga toy mauges ya plano nen Haman. (Es 7:1-6) Antis ton ginawa itan, nanayunal ni pian ipanengneng ton mantitiwala ed si Jehova. (Es 4:14-16) Benendisyonan nen Jehova iray ginawa nen Ester, kanian aprotektaan si Ester tan saray kabaleyan to.
Sikayo ran kabataan, no walay man-bully ed sikayo kerew kayoy tulong ed si Jehova tan ibaga yoy problema yo ed sakey ya maespiritual ya adulto, singa say ateng yo. Makaseguro kayon tulongan kayo nen Jehova ya singa ginawa tod si Ester. Anto ni sarag yon gawaen no walay manbu-bully ed sikayo?
BANTAYAN SO VIDEO YA BILAY NA TINEDYER—PANON KON NASARAG SO PAMBU-BULLY NA ARUM? INSAN EBATAN IRAYAN TEPET:
-
Antoy naaralan na saray kabataan ed alimbawa nen Charlie tan Ferin?
-
Antoy naaralan na saray atateng ed imbaga nen Charlie tan Ferin pian natulongan da ray ananak da no walay manbu-bully ed sikara?
