BAUTISMO Saray elder yo so nanggawa na matukoy iran uksoyan base ed kipapasen ed lugar yo parad saray manpabautismo kayari na sesyon ed kabuasan na Sabado.

DONASYON Sayan kombension et impatalos ed masulok ya 400 a lenguahe. Makatulong iray boluntaryon donasyon yo pian nasuportaan so sankamundoan a kimey. Sarag yoy mandonasyon online diad donate.pr418.com/pag. Naapresyan maong so amin a donasyon yo. Misalamat so Mananguley ya Ulop ed inkamaiter yo pian nasuportaan so Panarian.

SCHOOL FOR KINGDOM EVANGELIZERS Saray payunir ya mantaon na 23 anggad 65 ya labay dan palaknaben so ministeryo da et papasesegen ya kontaken day sekretaryo ed kongregasyon da tan man-apply online parad School for Kingdom Evangelizers.