KOMADUAN SEKSION
“Say Santuaryok so Dinutakan Mo”—Adutakan so Dugan Panagdayew
TOPIC: Adutakan ed espiritual tan moral so Juda tan Jerusalem
Inaro tan inasikaso nen Jehova iray Israelita ta ipapasen to ran “pinabpablin kayarian.” (Exo. 19:5, paimanod leksab) Balet say imbales dad si Jehova et say impandayew dad saray palson dios diad mismon templo ya mangirerepresenta ed ngaran to! Sinakitan day Jehova tan angiter iray kabalawan ed sikato. Akin et nagmaliw ya ontan lan kauges so Israel? Antoy naaralan tayo ed propesiya nen Ezequiel nipaakar ed kaderal na Jerusalem? Tan antoy naaralan tayod relasyon na Israel ed saray akapaliber a nasyon?
DIAD SAYAN SEKSION
KAPITULO 5
“Nengneng Mo Ray Mauges tan Makapadimlan Gagawaen Da”
Anengneng nen Ezequiel iray makapabiglan nagagawa a pakapatnagan ya talagan aderal lay espiritualidad na interon nasyon.
KAPITULO 6
“Sinmabi Lad Sika so Anggaan”
Ipapasakbay na propesiyan inyakto nen Ezequiel so sanok nen Jehova ed Jerusalem.
KAPITULO 7
“Naamtaan” na Saray Nasyon “a Siak si Jehova”
Saray nasyon ya amauges ed ngaran nen Jehova tan amasegsegang odino angimpluensya ed totoo to et agda natakasan so resulta na saray ginawa ra. Anto ran leksion so naaralan tayo ed impiulop na Israel ed saratan a nasyon?
