KOMAPAT YA SEKSION
“Maseseg Kon Idepensa so Masanton Ngaran Ko”—Naliktaran na Dugan Panagdayew so Panangataki
TOPIC: Iliktar nen Jehova iray totoo to diad baleg a kairapan
Inaro nen Jehova iray totoo, balet ipapasen to met ya walay eebatan da ed saray gagawaen da. Antoy nalilikna to ed saramay mangibabagan mandadayew ed sikato balet ag-itan napatnagan ed saray kagagawa ra? Siopa ray pilien ton iliktar diad baleg a kairapan? Tan akin ya deralen nen Jehova so minilyon a mauges ya totoo anta sikatoy Dios na aro?
DIAD SAYAN SEKSION
KAPITULO 15
“Patundaen Koy Pilalawanan Mo”
Antoy naaralan tayo ed deskripsion nipaakar ed saray paabang a bibii ed libro na Ezequiel tan Apocalipsis?
KAPITULO 16
“Markaan Moy Moling” na Totoo
Importante ed sikatayo natan no panon ya amarkaan parad kililiktar iray matoor diad panaon nen Ezequiel.
KAPITULO 18
“Ondalang so Baleg a Sanok Ko”
Ondalang so sanok nen Jehova ed iyataki nen Gog, kanian protektaan to iray totoo to.