Indese na Saray Litrato
Base ed pahina
Apis Pablo, Tabita, Galio, Lucas, say opisyal na templo tan saray apostol, sakey a Saduceo, inulop si Pablo paonlad Cesarea, tan say panagpulong ed modernon panaon ya uusaren so sound car tan phonograph.
Pahina 1 Si Pablo ya akagulonggulong, tan si Lucas ya akalugan ed barko ya paonlad Roma.
Pahina 2, 3 Si Brother J. E. Barr tan T. Jaracz na Mananguley ya Ulop diad abay na mapa na mundo.
Pahina 11 Igaganggan nen Jesus so 11 a matoor ya apostol tan arum nin papatumbok to diad palandey ed Galilea.
Pahina 14 Ontatagey ed tawen si Jesus. Akanengneng iray apostol ed sikato.
Pahina 20 Nen Pentecostes, kinatongtong na saray disipulo iray bisita diad lenguahe ra.
Pahina 36 Akaalagey iray apostol ed arap na mamapasnok ya si Caifas. Aalagaren na saray opisyal na templo so ganggan na Sanhedrin ya arestoen ira.
Pahina 44 Leksab: Kayari na World War II, senentensiaan na korte ed East Germany iray Tasi nen Jehova lapud espiya ira kuno na saray Amerikano.—Neue Berliner Illustrierte, Oktubre 3, 1950.
Pahina 46 Lilitisen na Sanhedrin si Esteban. Walad kawigi to iray mayayaman ya Saduceo, tan walad kawanan to iray panatikon Fariseo.
Pahina 54 Intapew nen Pedro iray lima to ed sakey a balon disipulo; walay awit nen Simon ya kargaan na kuarta.
Pahina 75 Onloloob si Pedro tan saray kakaiba to diad abung nen Cornelio. Walay balabal ed kawigin takeb nen Cornelio ya mangipapanengneng ed posisyon to bilang senturion.
Pahina 83 Igigiya na anghel si Pedro; nayarin diad Tori na Antonia so angiprisoan ed sikato.
Pahina 84 Leksab: Nantitipon so sakey a grupon manggugulo diad asingger ed Montreal, Quebec, nen 1945.—Weekend Magazine, Hulyo 1956.
Pahina 91 Pinapaway si Pablo tan Bernabe ed Antioquia na Pisidia. Nanengneng ed beneg so balon aagusan na danum na syudad ya nayarin impaalagey ed kagapo na unonan siglo C.E.
Pahina 94 Aglabay nen Pablo tan Bernabe so sobran panangirayew na saray tagad Listra. Kaslakan et makolor tan maingal tan dakel so togtog na panagbagat da.
Pahina 100 Tagey: Pinaseseg di Silas tan Judas so kongregasyon ed Antioquia na Sirya. (Gawa 15:30-32) Leksab: Manpapaliwawa so manangasikaso na sirkito ed sakey a kongregasyon diad Uganda.
Pahina 107 Mantitipon so kongregasyon na Jerusalem diad sakey ya abung.
Pahina 124 Manbiabiahe si Pablo tan Timoteo ya akalugan irad sakey ya Romanon barko ya parad negosyo. Walay lighthouse ed arawi.
Pahina 139 Ontatakas si Pablo tan Silas ed saray mamapasnok ya grupo na saray manggugulo.
Pahina 155 Pamapasnokan nen Galio iray mangaakusa ed si Pablo. Nalikas so atagey ya posisyon to diad sulong ton amputin toga ya walay malapar ya kolor-uben gulis, tan sapatos ton calcei.
Pahina 158 Kakatongtongen nen Demetrio iray panday na pilak ed sakey ya lakoan na saray souvenir ya altar nen Artemis.
Pahina 171 Onlulugan ed barko si Pablo tan saray kakaiba to. Nanengneng ed beneg so Great Harbor Monument ya impaalagey nen unonan siglo B.C.E.
Pahina 180 Leksab: Nen imbawal iray literatura ed Canada nen 1940’s, impuslit na kabataan ya Tasi iray literatura ya nibase ed Biblia. (Inyakto labat.)
Pahina 182 Pinmayag si Pablo ed imbaga na saray mamatatken. Akayurong si Lucas tan Timoteo ed benegan, tinmulong ira ed pangawit na donasyon.
Pahina 190 Akitongtong so kaanakan nen Pablo ed si Claudio Lisias diad Tori na Antonia, a nayarin ditan akapriso si Pablo. Nanengneng ed beneg so templo nen Herodes.
Pahina 206 Manpipikasi si Pablo parad saray naknaksawan la ya kaiba ton akalugan ed barko.
Pahina 222 Nenengnengen nen Pablo so sakey ya parte na syudad na Roma legan ya akagulonggulong ed sakey a Romanon sundalo.
