Saray alimbawa ed Biblia:

• 1Sa 8:​10-20—Agmakatunongan iray Israelita, agda dinengel so imbaga nen propeta Samuel no akin ya mairap so nawalaan na toon ari

• 1Sa 25:​2-13, 34—Ag-inter nen Nabal imay makatunongan ya kerew nen David, kanian nipeligro lawari so interon sankaabungan to

Saray alimbawa ed Biblia:

• Ge 42:​21-24—Inamin na saray kuya nen Jose ya aliwliway ginawa dad sikato ta agda kinasian

• Mar 3:​1-6—Naermenan ya maong si Jesus lapud anawet so puso odino anggapoy panangasi na saray Fariseo

Saray alimbawa ed Biblia:

• 2Aw 36:​11-17—Mauge-uges tan benger si Arin Zedekias tan saray totoo to, kanian dinusa ira na Dios

• Gaw 19:​8, 9—Tinaynan nen apostol Pablo iramay agdan balot labay so manisia ed mensahe na Panarian

Saray alimbawa ed Biblia:

• Ge 26:​12-15—Benendisyonan nen Jehova so inkakuli nen Isaac, tan akaibeg iray Filisteo

• 1Ar 21:​1-19—Maagum tan mauges si Arin Ahab, labay ton alaen so ubasan nen Nabot, ya nanresultad palson akusasyon tan impamatey ed si Nabot

 Saray alimbawa ed Biblia:

• Job 31:​24-28—Anggano mayaman si Job, sikatoy aliwan materyalistiko

• Mar 10:​17-27—Mas inaro na kabataan ya laki so kayamanan to kanian mas pinili to itan nen say magmaliw ya patumbok nen Jesus

Saray alimbawa ed Biblia:

• Ge 13:​5-9—Nankokolkol iray managkomponi na ayayep nen Abraham tan Lot, pero akikareenan si Abraham

• Uk 8:​1-3—Akisangsangan ed si Ukom Gideon iray lalaki ed Efraim, pero lapud mapaabeba si Gideon, kinmepay sanok da

Saray alimbawa ed Biblia:

• Mat 12:​1-7—Impaamta nen Jesus ya mantunongtunongan iray Fariseo

• Luc 18:​9-14—Angusar na ilustrasyon si Jesus pian ipanengneng ya aglabay na Dios iramay say pakalikna ra et mas matunong ira nen say arum

Saray alimbawa ed Biblia:

• 2Sa 15:​1-6—Pakitang-tao si Absalom pian say nagustoan na totoo et sikato, imbes ya si Arin David ya ama to

• Da 4:​29-32—Ma-pride si Arin Nabucodonosor, kanian dinisiplina nen Jehova

 Saray alimbawa ed Biblia:

• Ge 37:​18, 19, 23, 24, 31-35—Aliwliway impantrato ed si Jose na saray kuya to, inlako da pian magmaliw ya aripen, tan tinilaan day Jacob, pinapaway dan inatey lay inad-aro ton anak

• Ge 49:​5-7—Lapud pasnok tan inkaruksa nen Simeon tan Levi, adusa ira

• 1Sa 20:​30-34—Diad pasnok nen Arin Saul, ininsulto toy anak ton si Jonatan tan apatey to lawari

• 1Sa 25:​14-17—Ineyagan tan ininsulto nen Nabal iray mensahero nen David, kanian nipeligro lawari so bilay na sankaabungan to

Alimbawa ed Biblia:

• 1Sa 18:​6-9; 20:​30-34—Nansuspetsaan nen Arin Saul si David ya agkuno matoor ed sikato, sinali to ni ingen ya impluensyaan si Jonatan pian onkontrad si David

Alimbawa ed Biblia:

• Ob 10-14—Dinusa na Dios iray Edomita ta binusol da ray agagi ra, saray Israelita

Saray alimbawa ed Biblia:

• Nu 13:​25-33—Ataktakot iray samploran espiya na Israel ed saray kalaban da tan negatibo iray imbalita da ed saray totoo, kanian ataktakot met ira

• Mat 26:​69-75—Lapud takot nen apostol Pedro ed too, amitlo ton imburi si Jesus