Jehova
Ngaran to
Say ngaran ya Jehova et nayarin mankabaliksay “Pagmamaliwen To”
Anto ray pagmamaliwan nen Jehova pian naasikaso to ray lingkor to?
Sal 19:14; 68:5; Isa 33:22; 40:11; 2Co 1:3, 4
Nengnengen met so Sal 118:14; Isa 30:20; Jer 3:14; Zac 2:5
Akin et im-importante ya napasanto so ngaran na Dios?
Akin ya si Jehova, say Soberano ed interon uniberso, so karapat-dapat ya unoren tayo?
Saray arum ya titulo nen Jehova
Ama—Mat 6:9; Jn 5:21
Andi-anggaan ya Ari—1Ti 1:17; Apo 15:3
Jehova na saray armada—1Sa 1:11
Makapadinayew a Managbangat—Isa 30:20
Makapanyarin-amin—Ge 17:1; Apo 19:6
Sankatagyan—Ge 14:18-22; Sal 7:17; Heb 1:3; 8:1
Say Bato—De 32:4; Isa 26:4
Soberanon Katawan—Isa 25:8; Am 3:7
Arum ed saray balibalin kualidad nen Jehova
Panon ya indanet nen Jehova ya sikatoy masanto, tan antoy epekto na satan ed saray lingkor to?
Ex 28:36; Le 19:2; 2Co 7:1; 1Pe 1:13-16
-
Saray alimbawa ed Biblia:
-
Isa 6:1-8—Nen anengneng nen propeta Isaias imay pasingawey tungkol ed inkasanto nen Jehova, say pakalikna to et sikatoy aliwan malinis, pero impanonot na sakey ya serapin ya anggan saray makasalanan ya totoo et nayarin magmaliw ya malinis ed pakanengneng na Dios
-
Rom 6:12-23; 12:1, 2—Impaliwawa nen apostol Pablo no panon tayon nalabanan so tendensia tayon mankasalanan, diad ontan et mansiansia tayon masanto
-
Panon kabiskeg so pakapanyari nen Jehova, tan panon ton uusaren itan?
Ex 15:3-6; 2Aw 16:9; Isa 40:22, 25, 26, 28-31
-
Saray alimbawa ed Biblia:
-
De 8:12-18—Impanonot nen propeta Moises ed saray Israelita ya inusar nen Jehova so pakapanyari To parad sikara, kanian amin ya walad sikara et nanlapud si Jehova
-
1Ar 19:9-14—Impanengneng nen Jehova so makapadinayew ya pakapanyari to pian pabiskegen so nadidismaya tan natatakot ya propeta to ya si Elias
-
Akin et ‘the best’ so hustisya nen Jehova?
De 32:4; Job 34:10; 37:23; Sal 37:28; Isa 33:22
-
Saray alimbawa ed Biblia:
-
De 24:16-22—Singa nanengneng ed Mosaikon Ganggan, naynay ya patas, maaro, tan mapangasi si Jehova
-
2Aw 19:4-7—Binilin nen Arin Jehosafat iray tinuro ton ukom ya irerepresenta day hustisya nen Jehova, aliwan too
-
Antoy mangipapanengneng ya si Jehova so sankarunongan ed amin?
Sal 104:24; Pro 2:1-8; Jer 10:12; Rom 11:33; 16:27
Nengnengen met so Sal 139:14; Jer 17:10
-
Saray alimbawa ed Biblia:
-
1Ar 4:29-34—Ginawa nen Jehova si Arin Solomon ya mas marunong nen say anggan siopan too nen panaon to
-
Luc 11:31; Jn 7:14-18—Si Jesus et mas marunong nen si Solomon; pero, mapaabeba ton binidbir so Lapuan na karunongan to
-
Panon ya ipapanengneng nen Jehova ya aro so manunan kualidad to?
Jn 3:16; Rom 8:32; 1Jn 4:8-10, 19
Nengnengen met so Sof 3:17; Jn 3:35
-
Saray alimbawa ed Biblia:
-
Mat 10:29-31—Inusar nen Jesus so anuyaw pian ipaamta no panon kabaleg so panangaro nen Jehova ed kada lingkor To
-
Mar 1:9-11—Manlapud tawen, imbaga nen Jehova ed Anak to ya sikatoy inad-aro to tan proud ed sikato. Ontan so kailangan na ananak ed atateng da—atension, panangaro, tan apresasyon
-
Anto ray arum nin rason no akin ya inaro tayoy Jehova? Ipapanengneng na Biblia iray amayamay ya balibalin kualidad nen Jehova. Nia ray arum ed saratan:
Agmanguuman; napantiwalaan —Mal 3:6; San 1:17
Anggapoy gapo tan sampot to—Sal 90:2; 93:2
Maabagey—Isa 49:15; 63:9; Zac 2:8
Maanos—Isa 30:18; 2Pe 3:9
Magloria—Apo 4:1-6
Maiter—Sal 104:13-15; 145:16
Makapadinayew—Sal 8:1; 148:13
Maliket—1Ti 1:11
Mangaarod kareenan—Fil 4:9
Maomaong—Luc 6:35; Rom 2:4
Mapaabeba—Sal 18:35
Mapangasi—Ex 34:6
Matoor—Apo 15:4
Matunong—Sal 7:9
Nanenengneng to so amin—2Aw 16:9; Pro 15:3
Antoy nalikna tayo no mas kabaten tayoy Jehova a Dios?
No panon tayon panlingkoran si Jehova
Panon tayon amta ya agkekerewen nen Jehova so agtayo sarag ya iter o gawaen?
-
Saray alimbawa ed Biblia:
-
De 30:11-14—Agnairapan iray Israelita ya unoren so Ganggan ya inter nen Jehova panamegley nen propeta Moises
-
Mat 11:28-30—Si Jesus, ya perpekto ton inalig so Ama to, et impaseguro tod saray papatumbok to ya sikatoy maomaong ya Katawan
-
Akin et duga labat ya idayew tayoy Jehova?
Sal 105:1, 2; Isa 43:10-12, 21
Nengnengen met so Jer 20:9; Luc 6:45; Gaw 4:19, 20
-
Saray alimbawa ed Biblia:
-
Sal 104:1, 2, 10-20, 33, 34—Indayew na salmista si Jehova lapud saray pinalsa To
-
Sal 148:1-14—Idadayew na saray palsa tan amin ya anghel si Jehova, kanian ontan met so dapat tayon gawaen
-
Panon ya nirarayew si Jehova lapud maong ya ugali tan kagagawa tayo?
Akin ya kailangan tayoy onapit ed si Jehova?
Akin et kailangan tayoy manpaabeba pian nakaaro tayo so Dios?
Akin et makatulong so pambasa na Biblia tan pandalepdep pian nakaaro tayo si Jehova?
Akin et kailangan tayon iyaplika iray nanaaralan tayo tungkol ed si Jehova?
Akin et agtayo dapat iyaamot so anggan anto ed si Jehova?
Job 34:22; Pro 28:13; Jer 23:24; 1Ti 5:24, 25
-
Saray alimbawa ed Biblia:
-
2Ar 5:20-27—Sinali nen Gehazi ya iyamot so kasalanan to, pero impaamta itan nen Jehova ed si propeta Eliseo
-
Gaw 5:1-11—Sinali nen Ananias tan Safira ya iyamot so kasalanan da, pero impaamta itan nen Jehova tan adusa ira lapud impantila dad masanton espiritu
-
Ompan Nagustoan Mo Met
EBAT ED SARAY TEPET ED BIBLIA
Pigaray Ngaran na Dios?
Iisipen na totoo ya say ngaran na Dios et ‘Allah,’ ‘El Shaddai,’ ‘Jehova-Jireh’ odino ‘Alfa tan Omega.’ Kasin importante ed Dios no antoy itawag tayod sikato?
ALIGEN SO PANANISIA RA
Elias—Niligliwa na Dios
Anto ray agawa kanian kinmapuy tan adismaya si Elias, ya anggad kinerew ton ompatey la komon?
NIPAAKAR ED SIKAMI
Man-request na Ombisita ed Sika
Pantongtongan so tepet mo nipaakar ed Biblia, odino amtaen ni kaaruman ya impormasyon nipaakar ed Saray Tasi nen Jehova.
