Kasalanan
Anto so kasalanan, tan akin ya apektado tayon amin ed satan?
Panon ya ipapaseguro na Biblia ya sarag tayon labanan so tendensia tayon mankasalanan?
-
Saray alimbawa ed Biblia:
-
2Sa 11:2-5, 14, 15, 26, 27; 12:1-13—Akagawa na ambelat iran kasalanan si Arin David tan adisiplina, pero ginawa toy anggaay nayarian ton ipetek iray lingo to
-
Rom 7:15-24—Mabiskeg so pananisia tan debosyon ed Dios nen apostol Pablo, pero kailangan to nin siansiay mansagpot pian nalabanan so tendensia ton mankasalanan
-
Akin et makakagaway kasalanan so dakel ya totoo?
Gaw 3:17; 17:29, 30; 1Ti 1:13; 1Pe 1:14
Nengnengen met so Nu 15:27-29
Akin et seryoson maong no gagalaen tayoy mankasalanan?
Heb 10:26, 27; 1Jn 3:4, 8, 9
Nengnengen met so Nu 15:30; Rom 1:28-32; 1Ti 5:20
Antoy nayarin usaren nen Satanas pian tuksoen iray lingkor na Dios ya mankasalanan?
Pro 1:10, 11, 15; Mat 5:28; San 1:14, 15
-
Saray alimbawa ed Biblia:
-
Ge 3:1-6—Inusar nen Satanas so sakey ya uleg pian tuksoen si Eva ya magmaliw ya makasarili tan agmantiwala ed si Jehova
-
Pro 7:6-10, 21-23—Indeskribe nen Arin Solomon so kabataan ya lakin andiay pakatebek ya nampatukso ed imoral a bii
-
Panon tayon nalabanan iray tukso nen Satanas?
Efe 4:27; 6:10-18; San 4:7, 8
-
Saray alimbawa ed Biblia:
-
Pro 5:1-14—Singa ama ya mitotongtong ed anak to, angiter si Arin Solomon na pinuyanan ya advice, no akin tan no panon ya paliisan so imoralidad
-
Mat 4:1-11—Maong ya alimbawa si Jesus diad impangusar tod Salita na Dios pian nalabanan iray masilib ya tukso nen Satanas
-
Anto ray pigaran alimbawa na seryoson kasalanan ya dapat ya paliisan na saray Kristiano?
Nengnengen so “Makapuy ya Kagagawa”
Pangipatua ed kasalanan
Akin et agtayo sasalien ya iyamot iray kasalanan tayo?
Diad siopa tayo ipatua so amin ya kasalanan tayo?
Siopa so “mananulong” tayo ya mikasi ed si Jehova parad sikatayo?
Panon ya nanengneng ed kagagawa na sakey ya sikatoy magbabawi?
Nengnengen met so “Panagbabawi”
-
Saray alimbawa ed Biblia:
-
Ex 22:1-12—Diad Mosaikon Ganggan, kailangan ya manbayar so matakew ed biktima to
-
Luc 19:8, 9—Impanengneng nen Zaqueo, pangulo na managkolekta na buis, ya magbabawi nen inuman toy kagagawa to tan impawil tod totoo iray kinatkat to
-
Akin ya makapantiwala tayon perdonaen itayo nen Jehova?
Nengnengen met so “Panamerdona”
Anton uksoyan so ginawa nen Jehova pian natulongan tan naprotektaan so kongregasyon no walay akagawa na seryoson kasalanan?
Nengnengen met so Gaw 20:28; Gal 6:1
Antoy nayarin epekto na seryoson kasalanan ed pamilya tan kongregasyon?
Nengnengen met so De 29:18
-
Saray alimbawa ed Biblia:
-
Jos 7:1-13, 20-26—Nanggaway seryoson kasalanan si Acan tan inyamot to itan, lapud satan, adamay so interon Israel
-
Jon 1:1-16—Lapud ag-inunor nen propeta Jonas si Jehova, nipeligro so amin ya kaiba tod barko
-
1Co 5:1-7—Impaamta nen apostol Pablo so seryoson kasalanan na sakey a laki diad Corinto ya manederal ed interon kongregasyon
-
Akin et manpatulong tayo nin siansia ed saray elder anggano natatakot tayon nadisiplina?
Akin ya awaten tayoy panamerdona na Dios imbes ya tuloytuloy ya nakonsiensia ed saray apalabas ya kasalanan tayo?
Nengnengen so “Panamerdona”
No walay naamtaan tayo ya seryoson kasalanan, akin ya seguroen tayon ipaamta itan na nankasalanan ed saray elder ed kongregasyon?
-
Alimbawa ed Biblia:
-
De 13:6-9; 21:18-20—Diad Mosaikon Ganggan, no akagawa na seryoson kasalanan so sakey ya kaaro odino anggan say kapamilya, kailangan ya i-report itan
-
Ompan Nagustoan Mo Met
EBAT ED SARAY TEPET ED BIBLIA
Anto so Kasalanan?
Kasin wala ray kasalanan ya mas grabe nen say arum?
EBAT ED SARAY TEPET ED BIBLIA
Anto so Agnaperdonan Kasalanan?
Panon mon naamtaan no kasin akagawa kay agnaperdonan kasalanan?
SAY PANAG-BANTAYAN
Sarag Mon Labanay Tukso!
Walay taloran step ya makatulong ed sikan nawalaay mabiskeg a determinasyon.
Saray Leksion ya Naaralan Mo ed Biblia
Say Kasalanan nen Arin David
Say sakey ya aliwan dugan desisyon et manresulta ed dakel ya problema.
NIPAAKAR ED SIKAMI
Man-request na Ombisita ed Sika
Pantongtongan so tepet mo nipaakar ed Biblia, odino amtaen ni kaaruman ya impormasyon nipaakar ed Saray Tasi nen Jehova.
