Saray alimbawa ed Biblia:

• Sal 78:40, 41; 106:36-46​—Aminpigapigan pinerdona nen Jehova iray rebelden totoo to, anggano sasakitan day liknaan to diad pankakasalanan da

• Luc 15:11-32​—Pian ipanengneng so panamerdona nen Jehova, angusar na ilustrasyon si Jesus tungkol ed mapangasin ama ya pinerdona toy rebelden anak to nen nagbabawi

Saray alimbawa ed Biblia:

• Heb 9:22-28​—Impaliwawa nen apostol Pablo ya naperdona labat iray kasalanan tayo panamegley na dala nen Kristo

• Apo 7:9, 10, 14, 15​—Anengneng nen apostol Juan ed pasingawey so “sakey a baleg ya ulop” tan inturing ira na Dios ya malinis lapud dala nen Kristo

Saray alimbawa ed Biblia:

• Job 42:7-10​—Antis ya pinaabig tan benendisyonan nen Jehova si Job, kinerew To ya ipikasi ni nen Job iray taloran lalaki ya ansasakit so imbabaga ra ed sikato

• Mat 18:21-35​—Angusar na ilustrasyon si Jesus pian ipanengneng ya kailangan tayon perdonaen so arum pian perdonaen itayo met nen Jehova

Saray alimbawa ed Biblia:

• Sal 32:1-5; 51:1, 2, 16, 17​—Lapud saray seryoson kasalanan nen Arin David, kinmapuy tan nanermen a maong, tan tuan nagbabawi

• San 5:14-16​—Impaliwawa nen Santiago ya no akagawa tayo na seryoson kasalanan, patulongan tayo ed saray elder

Saray alimbawa ed Biblia:

• 1Ar 21:27-29; 2Aw 18:18-22, 33, 34; 19:1, 2​—Nen naamtaan nen Arin Ahab so panangukom nen Jehova, nampaabeba kanian kinasian nen Jehova; pero, aliwan tudtua so impagbabawi to, kanian sikatoy inturing nin siansia nen Jehova ya mauges tan say dusa to et patey

• 2Aw 33:1-16​—Mauge-uges si Arin Manases, pero pinerdona nen Jehova nen nagbabawi. Pinatunayan to ya talagan anguman la ta ginawa toy anggaay nayarian ton patundaen so panag-idolatriya tan suportaan so dugan panagdayew

Alimbawa ed Biblia:

• 2Sa 12:13; 24:1; 1Ar 9:4, 5​—Anggano akagawa na seryoso iran kasalanan si Arin David, pinerdona nen Jehova ta nagbabawi, tan inturing To ya matoor

Saray alimbawa ed Biblia:

• Mat 26:36, 40, 41​—Akaugip iray apostol nen Jesus nen kakkailangan toy suporta ra; pero inkonsidera toy limitasyon da

• Mat 26:69-75; Luc 24:33, 34; Gaw 2:37-41​—Amitlon imburi nen Pedro si Jesus, pero pinerdona nen Jesus nen nagbabawi; nampanengneng si Jesus ed sikato kayarin inmoli, tan ag-abayag, inikdan to na espisyal ya pribilehyo ed kongregasyon

Saray alimbawa ed Biblia:

• Mat 23:​29-33​—Pinasakbayan nen Jesus iray eskriba tan Fariseo ya bilang grupo et agda nibatikan so panangukom na Gehenna, sikaray permanente lan naderal

• Jn 17:12; Mar 14:21​—Tinawag nen Jesus si Judas Iscariote ya “anak na kadederal” tan imbaga to ya sayan traidor et magmaong nin agla niyanak