PARTE 9
Kapigan Onsabi so Paraiso?
Saray kaguloan ed dalin so paneknek ya magano lan onsabi so Panarian na Dios. Lucas 21:10, 11; 2 Timoteo 3:1-5
Saray dakel ya nagagawa natan et impasakbay la na Biblia. Ibabaga na satan ya saray totoo et magmaliw a maaro ed kuarta, agmatulok ed atateng, masebeg, tan maaro ed likeliket.
Walaray maksil a yegyeg, guerra, eras, tan onkakayat ya sakit. Nagagawa la iraya natan.
Ontan met, inkuan nen Jesus a say maong a balita nipaakar ed Panarian so nipulong ed interon dalin.—Mateo 24:14.
Say Panarian so mangekal ed amin a kaugsan. 2 Pedro 3:13
Magano lan deralen nen Jehova so amin a mauges.
Si Satanas tan saray demonyo to et dusaen.
Saramay ondengel ed Dios so makaliktar tan manayam ed mareen a balon mundo, ya anggapo lay takotan da, walay talek da ed sakey tan sakey, tan manaaroan ira.
Ompan Nagustoan Mo Met
LIBRO TAN BROSYUR
Anto so Panarian na Dios?
Nen wadiad dalin si Jesus, impanengneng to no anto ray gawaen na Panarian.
LIBRO TAN BROSYUR
Naandi ni Kasi Paniirap?
Ibabaga na Biblia ya aglabay na Dios ya walay naaagrabiado tan inaro to ray totoo. Antoy labay ya ibaga na satan?
