LEKSION 1
Epektibon Introduksion
Gawa 17:22
SUMARYO: Kaukolan ya diad introduksion et naalam so interes na saray ondedengel, nipalinew mo no antoy topic, tan nipanengneng mo no akin ya nepeg iran magmaliw ya interesado ed satan.
NO ANTOY GAWAEN:
-
Alaen so interes. Manpili na tepet, balikas, tuan eksperiensya, odino balita ya makapainteres ed saray ondedengel.
-
Ipalinew so topic. Seguroen ya diad introduksion mo et malinew ed saray ondedengel no anto so topic tan gagala na presentasyon mo odino paliwawam.
-
Ipanengneng no akin ya importante so topic. Itukoy moy ibagam ed saray pankaukolan na saray ondedengel. Nepeg ya natalosan dan maong no panon ya makatulong ed sikaran mismo so topic.
