SEKSION 3
Estandarte na Panarian—Pananap ed Inkatunong na Dios
PINAYAPAYAN moy kaabay yo legan kan manaakar. Diad apalabas iran agew et naimanom ya oobserbaan to ka tan say pamilyam. Pinayapayan to ka met tan tinawag to ka. Inkuan to: “Wala pay itepet ko? Akin et duma kayod arum?” “Antoy labay mon ibaga?” so intepet mo. Inkuan to: “Di ba, Tasi nen Jehova kayo? Anggapoy miparad sikayo. Aliwa kayon singa arum a relihyon—agkayo manseselebray holiday, tan agkayo mibabalid politika tan guerra. Agkayo mansisigarilyo. Tan singa atagtagey so moralidad na pamilya yo. Akin et duma kayo?”
Antam a say ebat et: Manpapauley kamid Panarian na Dios. Pipinoen kami na Ari min si Jesus. Tutulongan to kamin natumbok so alimbawa to, tan mansiansian biig ed sayan mauges a mundo. Diad sayan seksion, amtaen tayo no panon ya pipinoen na Mesianikon Panarian so espiritualidad, moralidad, tan organisasyon na totoo nen Jehova—parad kirayewan to.
DIAD SAYAN SEKSION
KAPITULO 11
Panagpino ed Moralidad—Pakapatnagay Inkasanto na Dios
Saray lolooban tan kuarto parad guardia ed pasingawey nen Ezequiel nipaakar ed templo et walaan na espisyal a kabaliksan ed totoo na Dios manlapu nen 1914.
KAPITULO 12
Organisadon Manlingkor ed “Dios na Kareenan”
Diad Biblia, say kabaliktaran na gulo et kareenan, aliwan uksoy. Akin? Tan antoy epekto na satan ed saray Kristiano natan?