LEKSION 22
Panon Mon Ipaamta ed Arum so Maong a Balita?
Nen naaralan mo iray katuaan ed Biblia, seguro inisip mo, ‘Dapat naamtaan iya na amin!’ On, kailangan ya naamtaan na amin! Pero, ompan manaalangan ka ya ibaga ed arum so nanaaralan mo. Pantongtongan tayo no panon ya nalabanan so inkamabaing o pannerbiyos tan no panon mon na-enjoy ya ibaga ed arum so maong a balita ya walad Biblia.
1. Panon mon ibaga ed kapamilyam tan kakaarom so nanaaralan mo?
Oniay imbaga na saray disipulo nen Jesus: “Agkami nayarin ontundan mansalita nipaakar ed saray anengneng tan nadngel mi.” (Gawa 4:20) Importantin maong ed sikara so katuaan, kanian labalabay da itan ya ipaamta ed dakel ya totoo anggad sarag da. Sika ey, ontan met so labay mo? Manggawa ka sirin na paraan pian marespetom ya nibaga ed kapamilyam tan kakaarom so nanaaralan mo.—Basaen so Colosas 4:6.
Nia ray sarag mon gawaen
-
No mii-istoryaan ka ed kapamilyam, mangibaga ka na sakey ya topic ed Biblia. Igapom ed onia ay: “Amta yo, walay balibalin naaralan ko.”
-
Mangi-share ka na sakey ya teksto ed Biblia diad sakey ya kaarom ya mansasakit odino walay problema to.
-
No kumustaen ka na katrabahom, ibagam ed sikato no antoy nanaaralan mo ed Biblia odino say inyatendim ed aral.
-
Ipanengneng mo ed saray kaarom so website ya jw.org.
-
Itagar moy arum ya mila ed panaaral mo na Biblia, odino tulongan mo ra ya man-request na panag-aral na Biblia diad jw.org/pag.
2. Akin et balibali so milan manpulong kaiba iray agagi ed kongregasyon?
Aglabat impaamta na saray disipulo nen Jesus so maong a balita diad saray kabat da. Imbaki ira nen Jesus ya “sanderwa [ed] kada syudad” pian manpulong. (Lucas 10:1) Lapud organisado iyan panagpulong, dakdakel so akaamta ed maong a balita. Tan lapud mankakaiba iray disipulo ya nampulong, malikeliket ira. (Lucas 10:17) Sika ey, labay mo met la so milan manpulong kaiba iray agagi ed kongregasyon?
DAKEL NI NAARALAN MO
Amtaen no panon mon nalabanan so inkamabaing o pannerbiyos pian na-enjoy mo ya ipaamta so maong a balita.
3. Kaibam si Jehova
Nanenerbiyos so arum ya manpulong ta iisipen day ibaga odino reaksion na arum.
-
Manaalangan ka ya ibaga ed arum so nanaaralan mo? Akin ey?
I-play so VIDEO, insan ebatan iya.
-
Panon ya alabanan na sarayan kabataan ya Tasi so takot da?
Basaen so Isaias 41:10, insan ebatan iya:
-
No natatakot ka ya manpulong, akin et manpikasi ka?
Kasin antam?
Wala ray Tasi nen Jehova ya diad gapo et iisipen da ya agda nakaya so manpulong. Singa bilang, si Sergey et mabapbaing ya mitongtong ed arum, pero nanaral na Biblia. Kuan to: “Anggano nababaingan ak, pinakasil koy liknaan ko pian nibagak ed arum so nanaaralan ko. Agak makapanisia ya wala lay tiwalak ed sarilik nen ibabagak ed arum so nanaaralan ko ed Biblia. Tan lalo ak ya nakokombinse ed saray papanisiaan ko.”
4. Ipanengneng so respeto
No ipapaamtam so maong a balita, isip mon maong no anto tan no panon mon ibaga itan. Basaen so 2 Timoteo 2:24 tan 1 Pedro 3:15, insan ebatan iraya:
-
Panon ya makatulong ed sika irayan teksto no ibabagam ed arum so tungkol ed Biblia?
-
Ompan wala ray kapamilyam odino kakaarom ya agmanisia ed ibabagam. Antoy gawaen mo? Antoy agmo gawaen?
-
Akin et mas maong no marespeto kan mantepet imbes ya ipilit mo so papanisiaan mo?
5. Makapaliket so manpulong
Ingganggan nen Jehova si Jesus ya ipulong so maong a balita. Antoy alikna nen Jesus ed satan ya kimey? Basaen so Juan 4:34, insan ebatan iraya:
-
No mangan tayo na masustansia iran naakan, ombiskeg tayo tan maliket tayo. Parad si Jesus, akin ya say panggawa na linawa na Dios—kaiba lay pampulong—et singa pangan?
-
Akin et makapaliket ya ibaga ed arum so maong a balita?
Tips
-
Kada no miaral ka ed midweek, salim ya sika lay unonan mitongtong.
-
Tepetan moy mangiyaaral ed sika no panon kan magmaliw ya estudyante diad aral ed midweek. Makatulong itan pian akaparaan ka ya ibaga ed arum so nanaaralan mo.
-
Usaren iray seksion ya, “Ibabaga na Arum” odino “No Itepet na Arum” diad sayan publikasyon pian antam so ibagam odino iyebat mo ed saray tepet tan opinyon na arum.
NO ITEPET NA ARUM: “Antoy balita ey?”
-
Antoy gawaen mo pian nibagam ed sikato so nanaaralan mo ed Biblia?
SUMARYO
Makapaliket ya ibaga ed arum so maong a balita, tan aliwa met manayan mairap itan.
Rebyu
-
Akin et ibagam ed arum so maong a balita?
-
Panon mon ibaga itan diad marespeton paraan?
-
Panon mon nalabanan so inkamabaing o pannerbiyos no manpupulong ka?
DISKOBRIEN
Amtaen so apatiran simplin paraan pian ni-share mo so maong a balita diad pangusar mo na jw.org contact card.
Aralen so apatiran kualidad ya makatulong ed sika pian ni-share mo so maong a balita.
“Kasin Akaparaan Ka Lan Magmaliw ya Managsigay na Totoo?” (Say Panag-bantayan, Setyembre 2020)
Bantayan so sakey ya alimbawa ed Biblia ya makatulong pian makpel tayon manpulong anggano ugaw tayo ni.
Amtaen no panon mon nipaamta so Biblia ed saray kapamilyam ya agda ni kabat si Jehova.
“Sabien so Puso na Saray Agmananisian Kakanayon” (Say Panag-bantayan, Marso 15, 2014)
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
