LEKSION 27
Panon Itayon Niligtas na Impatey nen Jesus?
Mankakasalanan, maniirap, tan ompapatey tayo lapud ag-inunor na unonan sanasawa, si Adan tan Eva, so Dios. a Pero walay ilalo tayo. Nanggawa na paraan si Jehova pian niligtas tayo ed kasalanan tan patey. Inter to so Anak to, si Jesu-Kristo. Ibabangat na Biblia ya lapud impatey nen Jesus, niiter toy dondon. Say dondon et presyo ya ibabayar pian nibulos so sakey. Say presyo ya imbayar nen Jesus et say perpekton bilay to bilang too. (Basaen so Mateo 20:28.) Mabulos ya insakripisyo nen Jesus so karapatan to ya manbilay ya anggapoy anggaan diad dalin. Lapud satan, posible ya nipawil ed sikatayo so amin ya sinayang di Adan tan Eva. Impanengneng met nen Jesus ya inar-aro to tayo, tan inar-aro itayo met nen Jehova. Diad sayan leksion, natulongan kan mas naapresya so impatey nen Jesus.
1. Anto ray bendisyon ed sikatayo natan lapud impatey nen Jesus?
Lapud makasalanan tayo, dakel iray nagagawaan tayo ya aglabay nen Jehova. Pero, no talagan magbabawi tayo, tan kerewen tayod si Jehova so panamerdona panamegley nen Jesu-Kristo, tan gawaen tayoy anggaay nayarian tayo ya agla iratan naulit, mas onelet so pikakaaro tayo ed Dios. (1 Juan 2:1) Ibabaga na Biblia: “Si Kristo et pinsanan ya inatey parad saray kasalanan, sakey a matunong parad saray agmatunong, pian nitonton to kayo ed Dios.”—1 Pedro 3:18.
2. Diad arapen, anto ray bendisyon ed sikatayo lapud impatey nen Jesus?
Imbaki nen Jehova si Jesus pian iter so perpekton bilay to bilang too, “pian kada sakey a mangipanengneng na pananisia ed [si Jesus] et agnaderal noagta nawalaan na bilay ya andi-anggaan.” (Juan 3:16) Lapud ginawa nen Jesus, magano lan ekalen nen Jehova so amin a mauges ya epekto na ag-inyunor nen Adan. Labay ton ibaga, no walay pananisia tayo ed sakripisyo nen Jesus, nawalaan itayo na pankanawnawa ya manbilay ya anggapoy anggaan diad paraison dalin!—Isaias 65:21-23.
DAKEL NI NAARALAN MO
Aralen ni no akin ya inter nen Jesus so bilay to, tan no anto ray bendisyon na satan ed sika.
3. Lapud impatey nen Jesus, naperdona iray kasalanan tayo tan naekal so patey
I-play so VIDEO, insan ebatan iya.
-
Si Adan et perpekton too ya agto inunor so Dios. Kanian lapud sikato, nagmaliw ya makasalanan so totoo tan ompapatey
-
Si Jesus et perpekton too ya inunor toy Dios. Tan lapud sikato, walay pankanawnawa na totoo ya magmaliw ya perpekto tan manbilay ya anggapoy anggaan
4. Lapud impatey nen Jesus, posiblin nabendisyonan so amin ya totoo
I-play so VIDEO, insan ebatan iya.
-
Panon ya nabendisyonan so amin ya totoo ed impatey na sakey a too?
Basaen so 1 Timoteo 2:5, 6, insan ebatan iya:
-
Perpekton too si Adan, pero lapud sikato, amin ya totoo et makasalanan tan ompapatey. Perpekto met ya too si Jesus, panon ton intarya so “kasimbangan a dondon”?
5. Say dondon et regalo nen Jehova ed sika
Parad saray kakaaro nen Jehova, say dondon et personal a regalo. Parad sakey ya alimbawa, basaen so Galacia 2:20, insan ebatan iya:
-
Anto ray pakanengnengan ya inisip nen apostol Pablo ya personal a regalo ed sikato so dondon?
Nen nankasalanan si Adan, sikato tan amin ya anak to et asentensiaan na patey. Balet, imbaki nen Jehova so Anak to ya ompatey pian walay pankanawnawam ya manbilay ya anggapoy anggaan.
Legan mon babasaen iyan teksto, imadyin mo no antoy alikna nen Jehova nen maniirap so Anak to. Basaen so Juan 19:1-7, 16-18, insan ebatan iya:
-
Antoy nibagam ed ginawa nen Jehova tan Jesus parad sika?
NO ITEPET NA ARUM: “Inatey so sakey ya too parad amin ya totoo, panon to man ey?”
-
Antoy ibagam ey?
SUMARYO
Lapud impatey nen Jesus, perdonaen nen Jehova iray kasalanan tayo, tan makapanbilay tayon anggapoy anggaan.
Rebyu
-
Akin et inatey si Jesus?
-
Akin et kasimbangan a dondon so perpekton bilay nen Jesus bilang too?
-
Panon kan nabendisyonan ed impatey nen Jesus?
DISKOBRIEN
Aralen no akin ya say perpekton bilay nen Jesus bilang too et tinawag ya dondon.
Amtaen no antoy kailangan tayon gawaen pian niliktar.
Pati saray seryoson kasalanan kasi et perdonaen nen Jehova?
“Ebat ed Saray Tepet ed Biblia” (Say Panag-bantayan-E, Mayo 1, 2013)
Amtaen no panon ya atulongan so sakey ya laki ya nauman toy personalidad to manlapu nen naamtaan to so impansakripisyo na Kristo.
a Say kasalanan et aliwa labat ya samay panggawa na mauges. Kaiba met ed satan so atawir na amin ya totoo ya tendensian manggaway aliwa.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
