LEKSION 35
No Panon Tayon Makapandesisyon na Duga
Amin tayo et kailangan ya mandesisyon. Tan maslak ed saratan et baleg so epekto to ed sikatayo tan ed pikakaaro tayo ed si Jehova. Singa bilang, ompan kailangan tayoy mandesisyon no iner tayo manayam, no panon tayon mananap na pambilay, odino no kasin mangasawa o miasawa tayo. No duga ray desisyon tayo, magmaliw ya maliket so bilay tayo, tan napaliket tayo si Jehova.
1. Panon ya makatulong so Biblia pian duga iray desisyon mo?
Antis kan mandesisyon, manpikasi ka ni ed si Jehova. Kerew moy tulong to, tan basam so Biblia pian nanengneng mo no antoy panlabayan to. (Basaen so Proverbio 2:3-6.) Wala ray situasyon ya malinew ya nanengneng so ganggan nen Jehova. Kanian, say sankaabigan ya desisyon et say pangunor ed satan.
Pero panon to no anggapoy espisipikon ganggan na Biblia ya gawaen mo? Siansia nin igiya ka nen Jehova “diad dalan a nepeg mon panakaran.” (Isaias 48:17) Panon? Wala ray prinsipyo ya mangigiya ed sika. Saray prinsipyo ed Biblia et importantin katuaan ya mangipapaamta ed iisipen tan nalilikna na Dios. Naaamtaan tayoy iisipen tan nalilikna na Dios no basaen tayoy sakey a salaysay o istorya ed Biblia. No amta tan natatalosan tayoy nalilikna nen Jehova, makagawa tayo na desisyon ya makapaliket ed sikato.
2. Anto ni ray kailangan mon ikonsidera antis kan mandesisyon?
Ibabaga na Biblia: “Samay makabat et dadalepdepen toy kada gawaen to.” (Proverbio 14:15) Labay ton ibaga, antis tayon mandesisyon, aralen tayo nin maong iray pampilian odino opsyon tayo. Tan legan tayon ikokonsidera so kada opsyon, tepetan tayoy sarili tayo: ‘Anto ran prinsipyo ed Biblia so onaplika? Dinan ed saya so mangiter na deen na nonot ko? Antoy epekto na desisyon ko ed arum? Say sankaimportantian, napaliket ko kasi si Jehova ed saya?’—Deuteronomio 32:29.
Karapatan nen Jehova so mangibaga no anto so duga tan aliwa. No magmaliw tayon pamilyar ed saray ganggan tan prinsipyo to, tan gawaen tayoy anggaay nayarian tayon unoren iratan, ipapasal tayoy konsiensia tayo ya mansiansian malinis. Say konsiensia et say pakaliknan mangibiig ed duga tan aliwa. (Roma 2:14, 15) No nipasal so konsiensia tayo, makatulong itan pian duga iray desisyon tayo.
DAKEL NI NAARALAN MO
Amtaen no panon ya makatulong iray prinsipyo ed Biblia tan say konsiensia tayo no mandedesisyon.
3. Paigiya ka ed Biblia
Panon itayon manpaigiya ed saray prinsipyo na Biblia no mandedesisyon tayo? I-play so VIDEO, insan ebatan iraya.
-
Antoy inter nen Jehova ed sikatayo ya mablin regalo?
-
Akin et inikdan itayo nen Jehova na abilidad ya makapandesisyon a bukor?
-
Anto ni intarya to pian nausar itan ya abilidad diad dugan paraan?
Pian nanengneng so sakey ya alimbawa na prinsipyo ed Biblia, basaen so Efeso 5:15, 16. Insan pantongtongan no panon ya ‘nausar ed sankaabigan so panaon mo’ pian . . .
-
regular ya nabasa so Biblia.
-
magmaliw ya maong ya asawa, ateng, odino anak.
-
makapiaral.
4. Ipasal moy konsiensiam pian makapandesisyon ka na duga
No walay malinew ya ganggan na Biblia, matmainomay so mandesisyon. Pero, panon to no anggapoy espisipikon ganggan ed satan? I-play so VIDEO, insan ebatan iya.
-
Diad video, anto ray ginawa na sister pian nipasal so konsiensia to tan makapanggawa na desisyon ya mamaliket ed si Jehova?
Akin et agtayo kerewen ed arum ya idesisyonan da tayo? Basaen so Hebreo 5:14, insan ebatan iraya:
-
Singa mas mainomay ya idesisyonan itayo na arum, pero anto dapat so nibiig tayo?
-
Anto ray intarya ya makatulong pian nipasal moy konsiensiam tan makapandesisyon kay duga?
Singa say mapa, makatulong so konsiensia pian makapandesisyon tayo no antoy direksion na bilay tayo
5. Respetoen so konsiensia na arum
Lapud nanduruma so totoo, nanduruma met so desisyon da. Panon tayon nipanengneng ya rerespetoen tayoy konsiensia na arum? Niay duaran situasyon:
Situasyon 1: Walay sakey ya sister ya mahilig ya man-make-up, tan inmalis ed kongregasyon ya dakel so sister ya nabibigla tan agkomportable no makanengneng na aka-make-up.
Basaen so Roma 15:1 tan 1 Corinto 10:23, 24, insan ebatan iraya:
-
Base ed sarayan teksto, anto dapat so desisyon na samay sister? Antoy gawaen mo no nakokonsiensia so arum, balet diad sika et ayos labat?
Situasyon 2: Walay sakey ya brother ya amta ton agmet ibabawal na Biblia so oninum na katamtaman ya alak, balet nandesisyon ya aglan balot oninum. Nen naimbitaan ed sakey ya okasyon, apansin to ya oniinum iray brother.
Basaen so Eclesiastes 7:16 tan Roma 14:1, 10, insan ebatan iraya:
-
Base ed sarayan teksto, anto dapat so desisyon na samay brother? Antoy gawaen mo no agnaako na konsiensiam so gagawaen na arum?
Antoy gawaen mo pian duga iray desisyon mo?
1. Patulongan ed si Jehova pian makapandesisyon ka no antoy gawaen mo.—Santiago 1:5.
2. Man-research ed Biblia tan ed saray base ed Biblia ya publikasyon pian naalmom iray prinsipyo ya onaplika ed situasyon mo. Sarag mo met ya konsultaen iray eksperiensyadon Kristiano.
3. Nonoten so epekto na desisyon mo ed konsiensiam tan ed konsiensia na arum.
IBABAGA NA ARUM: “Karapatan mon gawaen no antoy labay mo. Anggapoy pibabali na arum.”
-
Akin et kailangan tayon ikonsidera so nalilikna na Dios tan na arum?
SUMARYO
Duga iray desisyon tayo no aamtaen tayo so nalilikna tan iisipen nen Jehova, insan tayo ikonsidera no kasin makatulong odino makapasakit ed arum so gagawaen tayo.
Rebyu
-
Panon kan makagawa na saray desisyon ya makapaliket ed si Jehova?
-
Panon mon nipasal so konsiensiam?
-
Panon mon nipanengneng ya rerespetoen moy konsiensia na arum?
DISKOBRIEN
Panon kan makagawa na saray desisyon ya ontulong pian mas nakaarom so Dios?
“Manggawa na Saray Desisyon a Mamagalang ed Dios” (Say Panag-bantayan, Abril 15, 2011)
Amtaen no anto ni ray arum ya paraan ya bibilinen itayo nen Jehova.
Amtaen no antoy akatulong ed sakey ya laki pian nasarag toy manggawa na mairap ya desisyon.
Amtaen no panon ya napaliket si Jehova no anggapo ray espisipikon ganggan to ya gawaen.
“Kasin Kaukolan Mon Naynay so Ganggan na Biblia?” (Say Panag-bantayan, Disyembre 1, 2003)
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
