Manlapud sayan seksion, saray istorya et inalad Kristianon Griegon Kasulatan. Niyanak si Jesus. Mairap so bilay na pamilya da tan manaayam irad melag a baley. Tinulongan ton mantrabaho so tatay to ya karpentero. Si Jesus so mangiligtas ed totoo. Pinili nen Jehova si Jesus bilang Ari na Panarian ed tawen. No sakey kan ateng, tulongan so anak mo ya natalosan to no panon ya pinilin maong nen Jehova so pamilya tan kaliberliber ya balegan nen Jesus. Nengnengen no panon ya prinotektaan nen Jehova si Jesus pian agnapatey nen Herodes tan no panon ya anggapoy makapan-patunda ed saray labay nen Jehova ya nagawa. Amtaen no panon ya pinili nen Jehova si Juan ya mangipaamta ed isabi nen Jesus. Idanet ya anggan nen uga-ugaw ni Jesus, labalabay to lan aralen so karunongan ya manlalapud si Jehova.