Introduksion ed Seksion 13
Linma diad dalin si Jesus pian iter toy bilay to parad makasalanan ya totoo. Anggano inatey si Jesus, tinalo to so mundo. Agbalot pinaulyan nen Jehova so Anak to tan binilay to lamet. Anggad nen magano lan ompatey si Jesus, sikatoy mapaabeban nanserbi ed arum tan pinerdona to ra ed saray lingo ra. Nen binmilay lamet si Jesus, nampanengneng ed saray disipulo to. Imbangat to ra no panon dan gawaen so importantin kimey ya ingganggan tod sikara. No sakey kan ateng, tulongan so anak mo ya natalosan ton wala met so nagawaan tayo natan ed satan ya kimey.
DIAD SAYAN SEKSION
LEKSION 87
Sampot Lan Pangdem nen Jesus
Angiter si Jesus na importantin bilin ed saray apostol to diad samay sampot lan pangdem ya saniiba ira.
LEKSION 88
Inerel si Jesus
Inibaan nen Judas Iscariote iray lalaki ya de-awit na saray espada tan pekpek pian naerel day Jesus.
LEKSION 89
Intila nen Pedro ya Kabat Toy Jesus
Antoy agawa diad sular na abung nen Caifas? Tan antoy agawad si Jesus diad loob na abung?
LEKSION 91
Binilay Lamet si Jesus
Anto ray makapakelkelaw ya agawa pigaran agew kayarin pinatey si Jesus?
LEKSION 93
Pinmawil ed Tawen si Jesus
Balet antis ya pinmawil ed tawen, wala ray importantin ingganggan to ed saray disipulo to.