Introduksion ed Seksion 14
Impulong na saray inmunan Kristiano so maong a balita na Panarian anggad sankaarawian ya lugar diad dalin. Imbaga nen Jesus no iner ira manpulong tan diad makapakelaw a paraan et inikdan to ra na pakayarin bangatan iray totoo ed mismon lenguahe da. Tinulongan ira nen Jehova pian ag-ira ontakot ya manpulong. Pinabiskeg to met ira pian ag-ira ontunda anggano bawalan tan pairapen da ra.
Diad sakey a pasingawey et impanengneng nen Jesus ed si apostol Juan so marakdakep ya trono nen Jehova. Diad sakey nin pasingawey, anengneng nen Juan ya tinalo na Panarian ed tawen si Satanas kanian agto lan balot nauleyan so mundo. Anengneng nen Juan ya si Jesus et Ari la tan walay kaiba ton 144,000 ya arari. Anengneng met nen Juan ya paraiso lay interon dalin, ya amin ya totoo et mandadayew ed si Jehova tan wala so kareenan tan pankakasakey.
DIAD SAYAN SEKSION
LEKSION 94
Akaawat na Masanton Espiritu Iray Disipulo
Antoy makapakelaw ya agawaan da lapud naawat dan masanton espiritu?
LEKSION 95
Anggapoy Makapan-patunda ed Sikara
Saray lider na relihyon ya nampapatey ed si Jesus et labay dan patundaen met iray disipulo to. Balet agda ra napatunda.
LEKSION 96
Pinili nen Jesus si Saulo
Kakkabusol nen Saulo iray Kristiano, balet magano lan manguman itan.
LEKSION 97
Akaawat si Cornelio na Masanton Espiritu
Akin ya imbaki na Dios si Pedro ed abung na sayan laki, anta aliwan Judio?
LEKSION 98
Dakel so Nagmaliw ya Kristiano ed Nanduruman Bansa
Si apostol Pablo tan saray kakaiba ton misionero et ginmapon nampulong diad ararawin lugar.
LEKSION 99
Naamtaan na Guardia na Prisoan so Katuaan
Akin et kaiba ed sayan istorya so demonyo, yegyeg, tan espada?
LEKSION 100
Si Pablo tan si Timoteo
Sayan duaran laki et abayag ya saniban nankimey tan nanlingkor ed agagi, kanian nagmaliw iran malet ya sankaaro.
LEKSION 101
Inawit ed Roma si Pablo
Dakel so peligro ed impanbiahe na sayan apostol, balet agbalot kinmapuy anggano mair-irap so situasyon.
LEKSION 102
Apocalipsis ya Inawat nen Juan
Impanengneng nen Jesus ed sikato so nantutumbokan a pasingawey tungkol ed saray nagawad arapen.
LEKSION 103
“Onsabi La Komon so Panarian Mo”
Nabasa ed Apocalipsis ya inawat nen Juan no panon ya umanen na Panarian na Dios so bilay diad dalin.