Saray Kaukolan Mon Naamtaan Pian Nakaarom so Dios
Aliwan basta labat sakey ya puersa so Amalsa. Wala ray balibalin kualidad to. Tan labay to ya sikatoy kabaten tayo tan magmaliw ya kaaro to. (Juan 17:3; Santiago 4:8) Kanian dakdakel so impaamta to nipaakar ed sikato.
Walay Personal ya Ngaran na Amalsa
“Komon ta naamtaan na totoo a say ngaran mo et Jehova, a sika labat so Sankatagyan ed interon dalin.”—SALMO 83:18.
Ibabangat na Biblia ya si Jehova so saksakey ya tuan Dios. Sikato so Amalsa ed uniberso tan amin ya mabilay a bengatla. Kanian sikato labat so makanepegan ya idayew tayo.—Apocalipsis 4:11.
Si Jehova et Maaron Dios
“Say Dios et aro.”—1 JUAN 4:8.
Uusaren nen Jehova so Biblia tan saray pinalsa to pian ipaamta ed sikatayo iray dakdakel ya kualidad to. Say aro so sankaimportantian ya kualidad to. Kanian amin ya gagawaen to et akabase ed aro. No diman mas nakakabat tayo si Jehova, diman mas onaaralem so panangaro tayo ed sikato.
Si Jehova et Dios ya Manamerdona
“Sakey kan Dios ya akaparaan a mamerdona.”—NEHEMIAS 9:17.
Amta nen Jehova ya aliwa tayon perpekto. Kanian sikatoy “akaparaan a mamerdona” no nalingo tayo. No kerewen tayoy panamerdona to, tan pansagpotan tayon itunda iray aliwan gagawaen tayo, perdonaen to tayo tan agto tayo la dusaen ed ginawa tayon kasalanan nensaman.—Salmo 103:12, 13.
Dedengelen nen Jehova Iray Pikakasi Tayo
“Si Jehova et asingger ed amin ya ontatawag ed sikato . . . Dedengelen to so ikekerew day tulong.”—SALMO 145:18, 19.
Anggapoy imbaga nen Jehova ya ritual ya tumboken tayo odino imahen ya usaren tayo no mandayew tayod sikato. Dedengelen to iray pikakasi tayo ya singa idedengel na maaron ateng ed saray ananak to.
Ompan Nagustoan Mo Met
EBAT ED SARAY TEPET ED BIBLIA
Siopa si Jehova?
Kasin sikatoy Dios labat na sakey a bansa, singa saray Israelita?
EBAT ED SARAY TEPET ED BIBLIA
Kasin Naperdona Ak Ni na Dios?
Nengnengen no antoy ibabaga na Biblia no panon kan naperdona na Dios.
