NAPNOY PROBLEMA SO MUNDO
1 | Asikasom so Laman Mo
NO AKIN YA IMPORTANTE
Saray krisis o kalamidad et walan walay epekto to ed laman.
-
Makapa-stress iray problema tan no mabayag ya na-stress so sakey, mainomay toy mansakit.
-
No walay krisis, mairap so manpa-ospital tan nayarin onkulang so tambal.
-
Lapud kalamidad, naapektoay anapan na totoo kanian agda nasaliw iray kailangan da, singa say masustansian naakan odino tambal.
No Antoy Dapat Mon Naamtaan
-
Nayarin agka la makapan-isip na duga no walay graben sakit mo tan nai-stress ka. Kanian napaulyanan mo lay sarilim tan onloor so sakit mo.
-
Lalo ka laingen ya mansakit no agka manpatambal tan ompan nipeligro ni ingen so bilay mo.
-
No maksil so laman mo, mas makapanggawa ka na duga iran desisyon anggano dakel so problema.
-
Mayaman ka man o mairap, sarag mon asikasoen so laman mo.
No Antoy Nagawaan Mo
Say marunong et nanenengneng to la ray peligro antis nin nagawa tan manplaplano pian naiwasan iratan anggad posible. Nayarin onaplika met itan ed pangasikasod laman. Mabetbet ya naiiwasan so pansakit odino igrabe na sakit no mapalinis tayo. Wala may ibabaga da ed English ya, “prevention is better than cure.” Labay ton ibaga, maong ni manalwar pian agka mansakit nen say mansakit ka insan ka manpatambal.
“Lapud mapalinis kamid laman tan abung mi, akatipid kami ta agmi ayaman ed doktor tan agkami saliw lan saliw na tambal.”—Andreas. a
a Sinalatan so arum ya ngaran diad sayan magasin.
Ompan Nagustoan Mo Met
ONLIING!
No Anto ray Gawaen Mo Sano Nai-stress Ka
Repasoen iray pigaran praktikal ya prinsipyo ya makatulong ed sika pian nasarag moy stress tan ompan nabawasan ni ingen itan.
NO ANTOY IBABAGA NA ARUM YA KABATAAN
Ibaga na Saray Kabataan so Tungkol ed Healthy Lifestyle
Kasin naiirapan kan mangan na saray masustansian naakan tan man-exercise? Diad sayan video, ibaga na saray kabataan no antoy gagawaen da pian magmaliw ya healthy.
