Singa bilang, amtaen so imbaga na arum no panon iran akinabang nen binasa tan inunor day bilin na Biblia.

“Mas balibali lay bilay ko natan. Dinmeen so nonot ko tan mas kalmado ak. Mas maliket ak la.”​—Fiona.

“Lapud nanaral ak na Biblia, wala lay direksion tan maliket lay bilay ko.”​—Gnitko.

“Balbaleg so inaligwasan na bilay ko. Binawasan koy trabahok kanian mas dakel lay oras kod pamilyak natan.”​—Andrew.

Dakel ni ray eksperiensya ya singa ontan. Apaneknekan na minilyon a totoo ed interon mundo ya dakdakel so bilin na Biblia ya mausar parad inagew-agew a bilay.

Nengnengen tayo no panon ya makatulong so Biblia pian napaaligwas so . . .

• Laman

• Emosyon

• Relasyon ed pamilya tan kakaaro

• Panag-budget na kuarta

• Relasyon ed Dios

Naamtaan ed saray onsublay ya artikulo no akin ya say Biblia et aliwa labat ya sagradon libro, noagta makatulong met ed inagew-agew a bilay tayo.