Panag-budget na Kuarta
Nen inunor na dakel a totoo so prinsipyo na Biblia, abawasan so problema da ed kuarta.
MANPLANO
PRINSIPYO NA BIBLIA: “Saray plano na makuli et seguradon ontalona, balet amin iramay magangganat et seguradon mansumpal ed kairapan.”—Proverbio 21:5.
NO ANTOY LABAY YA IBAGA NA SATAN: Kaukolan moy manplano tan tumbok mo itan. Kanian manplano ka ni antis kan manggastos. Tandaan ya agmo nasaliw so amin ya labay mo. Kanian, isip mon maong no panon mon gastosen so kuartam.
NO ANTOY NAYARIN GAWAEN MO:
-
Man-budget. Isulat mon amin so panggastosan mo, tan apag mo itan ed nanduruman kategorya. Insan ka mandesisyon no piga so gastosen mo ed kada kategorya. No asobraan moy ginastos mo ed sakey ya kategorya, mangala ka ed arum ya kategorya. Singa bilang, no sobra so agastos mo ed gasolina, mangala kay kuarta ed kategorya ya agtanton importante—singa say pangan ed restaurant.
-
Iwasan moy onutang. Anggad posible, iwasan moy onutang. Mantipon ka ni antis mon saliwen so kaukolan mo. No manguusar kay credit card, bayaran mon amin so utang mo kada bulan pian agka manbayar na interes. No walay utang mo, iplanom no panon mon bayaran tan tumbok moy planom.
Ibabaga na sakey ya research ya no credit card so uusaren na totoo, mas magastos ira. Kanian no walay credit card mo, kontrol moy panaggastos mo.
MANALWAR ED SARAY MAKAPUY YA UGALI
PRINSIPYO NA BIBLIA: “Say mangiras et agmanbabaka diad ambetel a panaon, kanian sikatoy mipayabol no panag-ani sano andian a balot.”—Proverbio 20:4.
NO ANTOY LABAY YA IBAGA NA SATAN: No mangiras so sakey, onirap so bilay to. Kanian, kaukolan moy mankuli, tan anggad posible, iplanom iray panggastosan mod arapen.
NO ANTOY NAYARIN GAWAEN MO:
-
Makulin mantrabaho. Agka naekal ed trabaho no makuli tan napanmatalekan ka. Labalabay na saray amo iray makulin empleyado.
-
Lanang ya matua. Agmo tatakewan so amom. Naderal so reputasyon mo no aliwa kan matua tan nairapan kan makalmo na sananey a trabaho.
-
Agka maagum. No say labay mo et ondakel lan ondakel so kuartam, onsabi panaon et mansakit ka tan naapektoan so relasyon mo ed arum. Tandaan, wala ni ray mas importante nen say kuarta.
ARUM NI RAN PRINSIPYO NA BIBLIA
Basaen so Biblia online ya available ed nilasus a lenguahe diad jw.org
AGMO PEPERDIEN SO PANAON TAN KUARTAM ED BISYO.
“Say buanges tan say masiba et manirap, tan say pakayepyep et kawesan to na lupot so sakey.”—PROVERBIO 23:21.
AGKA MASYADON ABURIDO ED KUARTA.
“Agkayo la mapagpaga ed bilay yo no antoy kanen yo odino inumen yo odino ed no antoy ikawes yo.”—MATEO 6:25.
AGKA MAINGGIT.
“Say toon maibeg et pampipirawatan toy kayamanan, balet agto amta ya onsabid sikato so kairapan.”—PROVERBIO 28:22.
Ompan Nagustoan Mo Met
ONLIING!
Balansin Panmoria ed Kuarta
Makatulong iray pitoran tepet ya nitepet mod sarilim pian nanengneng no aliwa lan dugay panmoriam ed kuarta.
ARUM NIN TOPIC
No Panon ya Pasaragen so Daiset ya Kuarta
Seguradon na-stress kan maong no biglan naandi so anapan mo, balet makatulong iray praktikal ya bilin na Biblia no panon mon napasarag so daiset ya kuarta.
