NO PANON YA NAPATUNDA SO PAMBUBUSOLAN
2 | Agka Ombabawi
Ibabangat na Biblia:
“Agyo babalesen na mauges so siopaman a nanggaway mauges ed sikayo. . . . No posible, diad anggaay nayarian yo, mikareenan kayod amin a totoo. Agkayo ombabales parad inkasikayo, . . . ta nisulat: ‘“Kien ko so panangibales; siak so ombawi,” kuan nen Jehova.’”—ROMA 12:17-19.
No Antoy Labay ton Ibaga:
Anggano normal labat ya onsyodot tayo no walay nanggaway aliwa ed sikatayo, aglabay na Dios ya ombawi tayo. Imbes, labay to ya manpasensya tayo ta magano to lan iter so hustisya.—Salmo 37:7, 10.
No Antoy Nagawaan Mo:
No ombawi so sakey, onggrabe so pambubusolan. Kanian, no walay nanggawa na aliwa odino akasakit ed sika, agka ombabawi. Kontrol moy sarilim tan mikareenan ka. Diad arum ya situasyon, mas agka nasakitan no agmo pinunuyan tan ibaliwalam la. (Proverbio 19:11) Balet no maminsan, kailangan mon ireport so problema. Singa bilang, diad saray kaso ya biktima ka na krimen, kailangan mon idalem itan ed pulis odino ed arum nin autoridad.
Sika lanlamang so nasakitan no ombawi ka
Panon to no habang sosolusyonan moy sakey ya problema et mairap so mikareenan? Odino panon to no ginawam lay amin pian makapikareenan pero siansia ni? Agka ombabawi. Ta no ontan, lalon onloor so situasyon. Imbes, ekal mod pusom so pambusol. Mantiwala ka ed paraan na Dios ya solusyonan so problema. “Manmatalek kad sikato, tan sikatoy onkiwas parad sika.”—Salmo 37:3-5.
Ompan Nagustoan Mo Met
UUMANEN NA BIBLIA SO BILAY
Labay Kon Patundaen so Ag-inkahustisya
Akimembro si Rafika ed grupo na saray rebelde pian patundaen so ag-inkahustisya. Balet naamtaan to so sipan na Biblia ya say Panarian na Dios labat so makapangiter na tuan deen tan hustisya.
UUMANEN NA BIBLIA SO BILAY
Taloen na Panangaro so Panagbusol
Nayarin mairap ya naekal ed puso so diskriminasyon. Balet nengnengen no panon itan ya nakal na sakey ya Judio tan sakey ya Arabo ed puso ra.
EBAT ED SARAY TEPET ED BIBLIA
Antoy Ibabaga na Biblia Nipaakar ed Ibawi?
Akatulong so bilin na Biblia pian nalabanan na dakel so liknaan ya ombawi.
