NO PANON YA NAPATUNDA SO PAMBUBUSOLAN
3 | Ekal Mod Isip Mo so Pambusol
Ibabangat na Biblia:
“Manpasimbalo kayo diad panguman yo ed panagnonot yo, pian napaneknekan yo ed inkasikayo so maong tan makapaliket tan ayadyarin linawa na Dios.”—ROMA 12:2.
No Antoy Labay ton Ibaga:
Importante ed Dios so iisipen tayo. (Jeremias 17:10) Kanian agtayo labat basta iiwasan so mangibaga odino manggawa na makasakit ed arum, wala ni kailangan tayon gawaen. Say pambusol et onggagapod isip tan puso. Kailangan tayo sirin ya ekalen itan ya tampol no nalilikas tayon ontutubo la. Diad satan ti labat nibaga ya ‘nampasimbalo’ odino anguman tayo la tan alabanan tayo lay pambusol.
No Antoy Nagawaan Mo:
Dapat matua ka tan aminado kad sarilim no antoy pakanengneng mod arum, lalo lad saray dumay lahi odino bansa da. Makatulong irayan tepet: ‘Antoy pangituturing kod sikara? Talaga kasin kabat ko ra? Odino nahuhusgaan ko la ra?’ Iwasan moy social media, pelikula, odino libangan ya maruksa tan bayolenti.
Natulongan itayo na Salita na Dios ya naekal so pambusol ed puso tan isip tayo
No maminsan, aliwan mainomay ya nanengneng no kasin patas so nalilikna odino pakanengneng tayod arum. Pero makatulong so Salita na Dios pian “natebek [tayoy] kanonotan tan intension na puso” tayo. (Hebreo 4:12) Kanian aral mon lanang so Biblia. Ikomparam so ibabaga to ed iisipen mo, tan gawam so anggaay nayarian mo ya aligen so panagnonot na Dios. Natulongan itayo na Salita na Dios ya naekal so pambusol anggano “malmalet ya akaletneg” itan ed isip tan puso tayo.—2 Corinto 10:4, 5.
Ompan Nagustoan Mo Met
UUMANEN NA BIBLIA SO BILAY
“Aliwa Ak Lan Maruksan Too”
Antoy amakiwas ed si Sébastien Kayira pian itunda so pagmaliw ton maruksa?
