SAY PANAG-BANTAYAN—PANARALAN YA EDISYON Abril 2016
Walad sayan isyu iray aaralen ya artikulo parad Mayo 30 anggad Hunyo 26, 2016.
Kasin say Ministeryom et Singa Linaew?
Panon a say panagpulong tayo et magmaliw ya anlemew, makaparepresko, tan mangiiter na bilay?
Aabobonan na Dios Iramay Manmamatoor
Antoy naaralan na saray Kristiano ed salaysay na Biblia nipaakar ed si Jefte tan say anak to?
Kasin Makabat so Panguusar Mo ed Imahinasyon Mo?
Pansengegan itan na problema odino gawaen to kan mas maong ya too.
“Abuloyan Yon Nasumpal na Panagsungdo so Gagala To”
Anto so nalalanor no nipaarap tayod situasyon ya kaukolay mansungdo? Tan anto ray sankaabigan ya alimbawa na impansungdo so mamabiskeg ed sika?
Akin ya Nepeg Itayon Mantitipon a Mandayew?
No miaral ka, walay epekto na satan ed sika, ed arum, tan ed si Jehova. Kasin antam no panon?
ISTORYAY BILAY
Sanaagin Madre a Nagmaliw ya Sanaagi ed Pananisia
Akin et inmalis irad kombento tan tinaynan day relihyon dan Katoliko?
Mansiansia Kayon Neutral Diad Mundon Naapag-apag
Apatiran makatulong pian akaparaan kan arapen iray subok ed neutralidad.
Tepetepet na Saray Manbabasa
Antoy tutukoyen nen Pablo sanen inkuan ton makaawat so kada alanaan a Kristiano na “pakaseguroan” o garantiya tan “tatak” manlapud Dios?
