SAY PANAG-BANTAYAN—PANARALAN YA EDISYON Marso 2016
Walad sayan isyu iray aaralen ya artikulo parad Mayo 2 anggad Mayo 29, 2016.
Sikayo Ran Kabataan—Kasin Akaparaan Kayo Lan Manpabautismo?
Taloran tepet ya makatulong ed sika ya makapandesisyon.
Sikayo Ran Kabataan—Panon Kayon Makapanparaan Parad Bautismo?
Panon to no agka segurado no kasin akaparaan ka la? Odino panon to no labay mo lay manpabautismo balet ta iisipen na atateng mo ya kaukolan mo ni manalagar?
Panon Kan Makatulong Pian Onelet so Pankakasakey Tayo Ran Kristiano?
Ipapabitar na pasingawey ya walad kapitulo 9 na Apocalipsis so kaimportantian na pankakasakey tayo.
Igigiya nen Jehova Iray Totoo To Diad Dalan na Bilay
Panon tayon nipanengneng ya labay tayoy paigiya ed si Jehova?
Sarag Mo Kasi so Ontulong ed Kongregasyon Yo?
Sarag mo kasin ipanengneng so espiritu na panagmisionero anggan diad mismon kongregasyon yo?
Aligen so Alimbawa na Saray Propeta
Makatulong ed sikatayo so alimbawa nen Ezequiel, Jeremias, tan Oseas no nakekesawan itayo, nadidismaya, odino makaawat na mairap ya asainmin.
Tepetepet na Saray Manbabasa
Kapigan so impakaaripen na totoo na Dios ed Makapanyarin Babilonia? Kasin literal ya inawit nen Satanas si Jesus diad templo nen tinukso to?
