SAY PANAG-BANTAYAN—PANARALAN YA EDISYON Mayo 2020
Walad sayan isyu iray aaralen ya artikulo parad Hulyo 6–Agosto 2, 2020.
Say “Ari na Amianen” Diad Panaon na Anggaan
Aaralen ya artikulo 19: Hulyo 6-12, 2020. Nanenengneng tayo la ray ebidensya ya nagagawa la so propesiya nen Daniel nipaakar ed “ari na amianen” tan “ari na abalaten.” Akin et segurado tayod satan? Tan akin ya kaukolan tayon aralen iray detalye na sayan propesiya?
Mankalaban ya Ari Diad Panaon na Anggaan
Say propesiya nipaakar ed “ari na amianen” tan “ari na abalaten” et man-overlap ed arum ni ran propesiya. Panon ya papaneknekan na saraman ya propesiya a magano lan naderal so mundo nen Satanas?
Siopa so “Ari na Amianen” Natan?
Aaralen ya artikulo 20: Hulyo 13-19, 2020. Siopa so “ari na amianen” natan, tan panon ya manampot so uley to? No amta tayoy ebat, ombiskeg so pananisia tayo tan makapanparaan tayo ed saray subok ya nagawad arapen.
Kasin Pisasalamatan Moy Dios ed Saray Regalo Tod Sika?
Aaralen ya artikulo 21: Hulyo 20-26, 2020. Aralen tayo ed sayan artikulo no panon tayon mas nipanengneng so pisasalamat tayo ed si Jehova ed taloran regalo ya inter tod sikatayo. Aralen tayo met no panon tayon tulongan iramay agmanisia ya walay Dios.
Ipanengneng Mo ya Misalsalamat Ka ed Saray Agnanengneng ya Kayamanan
Aaralen ya artikulo 22: Hulyo 27–Agosto 2, 2020. Diad imbeneg ya artikulo, inaral tayo iray pigaran nanengneng ya kayamanan ya inregalo nen Jehova ed sikatayo. Diad sayan artikulo, pantongtongan tayo iray agnanengneng ya kayamanan tan no panon tayon nipanengneng ya misalsalamat tayo ed saratan. Aralen tayo met no panon tayon mas napisalamatan so angiter ed saratan a kayamanan, si Jehova ya Dios.
