“Balbaleg so Kimey”

I-PLAY

“Balbaleg so Kimey”

WALAY importantin miting ed Jerusalem. Impatawag nen Arin David so amin ya prinsipe, opisyal na korte, tan saray mabibiskeg ya lalaki. Eksayted iran dinmengel ed makapaliket ya anunsio. Ingganggan nen Jehova so anak nen David ya si Solomon ya mangipaalagey na marakdakep ya bilding ya pandayewan ed tuan Dios. Inter na Dios ed maedad lan ari na Israel so plano na bilding tan inter itan na ari ed si Solomon. Inkuan nen David: “Balbaleg so kimey, ta aliwa itan a templo parad too noagta parad si Jehova a Dios.”—1 Awa. 28:1, 2, 6, 11, 12; 29:1.

Insan intepet nen David: “Natan, siopay manboluntaryon ondago dia pian mangiter na regalo ed si Jehova?” (1 Awa. 29:5) No wadman ka, anto kasi gawaen mo? Kasin suportaan mo iyan balbaleg a kimey? Kinmiwas a tampol iray Israelita. “Nanliketan [day] impangiter da na saray boluntaryon apay, ta interon puso iran angiter na saray boluntaryon apay ed si Jehova.”—1 Awa. 29:9.

Kayari na pigaran siglo, walay inletneg nen Jehova ya mas makapadinayew nen say templo, say baleg ya espiritual a templo. Sakey iyan uksoyan pian makapandayew ed sikato iray totoo base ed bagat nen Jesus. (Heb. 9:11, 12) Panon ya tutulongan nen Jehova iray totoo natan ya makapikareenan ed sikato? Panamegley na panaggaway babangatan a kimey. (Mat. 28:19, 20) Lapud saya, kada taon et minilyon so iyaaralan na Biblia, nilibo so nababautismoan, tan nilasus ya balon kongregasyon so nabubuo.

Kanian kaukolan so pangimprinta na mas dakel ya base ed Biblia iran literatura, pangipaalagey tan panmintina na Kingdom Hall, tan pangaliw o panrenta na pan-asembleyaan tan pankombensionan. Agta onabobon ka ya say kimey tayon pangiyabawag ed maong a balita et malaklaknab tan makagunggona?—Mat. 24:14.

Say panangaro ed Dios tan ed kaparan too tan say inkaapuraan na panagpulong so mamapakiwas ed saray totoo na Dios ya “ondago . . . pian mangiter na regalo ed si Jehova” panamegley na boluntaryon donasyon. Talagan makapaliket so ‘pangigalang ed si Jehova panamegley na mablin kaykayarian’ tayo. Makapalikliket met ya nanengneng no panon ya matoor tan makabat ya uusaren irayan donasyon pian gawaen so sankabalegan ya kimey!—Pro. 3:9.

No Panon a Mangiiter na Kontribusyon so Arum Parad Sankamundoan a Kimey

Dakel natan so ‘mangibibiig,’ o mangigagana na kuarta da tan ipepelag da itan ed saray kahon parad kontribusyon ed kongregasyon ya say label to et “Worldwide Work.” (1 Cor. 16:2) Binulan ya ipapawit na kada kongregasyon irayan kontribusyon diad branch office a makansakop ed bansan kawalaan da. Nayari met ya direktan ipawit so donasyon diad korporasyon ya uusaren na Saray Tasi nen Jehova. Pian naamtaan no antoy manunan korporasyon ya uusaren na Saray Tasi nen Jehova ed sakey ya bansa, ipangasin kontaken so branch office ya makansakop ed lugar yo. Saray address na branch office et naromog ed www.pr418.com. Niraya so klase na donasyon a sarag yon ipawit:

DIREKTAN PANDONASYON

Donasyon panamegley na electronic bank transfer, debit card, credit card o mobile money transfer. Diad arum ya branch, posible met iya panamegley na jw.org odino arum nin apilin website.
Pandonasyon na kuarta, alahas, odino arum nin mablin kayarian. Mangilaktip na sulat a mangibabagan say kuarta odino kayarian et idodonasyon yo.

DONASYON A WALAAY KONDISYON

Pandonasyon na kuarta a say kondisyon et ipawil itan ed samay angidonasyon no kaukolan to la.
Mangilaktip na sulat a mangibabagan say donasyon et walaan na kondisyon.

CHARITABLE PLANNING

Likud ed pangidonasyon na kuarta tan mabli iran kayarian, wala ni arum a paraan na panagdonasyon a makatulong ed kimey na Panarian ed interon mundo. Nabasa iratan ed onsublay iran parapo. Antokaman so paraan a labay yon usaren, ipangasin ontawag nin unona ed branch office ya makansakop ed lugar yo pian naamtaan no anto ran paraan na panagdonasyon so nayari ed bansa yo. Lapud nanduruma iray legal a totontonen tan ganggan ed panagbuis, importantin onkonsulta ed kualipikadon tax tan legal adviser antis a manpili na sankaabigan a paraan na pandonasyon.

Insurance: Sarag yon gawaen ya beneficiary na life insurance policy odino retirement/pension plan so korporasyon ya uusaren na Saray Tasi nen Jehova.

Saray Bank Account: Saray bank account, certificate of deposit, odino individual retirement account et nayarin imatalek odino iter ed korporasyon ya uusaren na Saray Tasi nen Jehova depende ed requirement na bangko tan no naandi lad bilay imay nandonasyon.

Saray Stock tan Bond: Sarag iyan idonasyon ed korporasyon ya uusaren na Saray Tasi nen Jehova bilang regalo odino manggaway kasulatan ya iyalis la itan ed ngaran na korporasyon no say sakey et naandi lad bilay.

Lote tan Abung: Say lote tan abung a nayarin ilako et sarag ya idonasyon ed korporasyon ya uusaren na Saray Tasi nen Jehova bilang regalo. No residential itan, nayarin manggaway kasulatan imay angidonasyon ya manayam ditan anggad mabilay ni.

Gift Annuity: Say kuarta odino share et nayarin idonasyon ed korporasyon ya uusaren na Saray Tasi nen Jehova tan samay angidonasyon et makaawat na espisipikon annuity payment legay bilay to. Say angidonasyon et makalay income-tax deduction diad samay taon ya ginmapo so gift annuity.

Saray Testamento tan Trust Fund: Saray kayarian odino kuarta so nayarin ipatawir ed korporasyon na Saray Tasi nen Jehova panamegley na legal a testamento, odino satan ya korporasyon so gawaen ya beneficiary na trust agreement. Diad sayan pandonasyon, nayarin nabawasan iray babayaran a buis.

Nanengneng ed terminon “charitable planning” a kaukolan ya manplanon maong so mandonasyon no dinan ed saraya so pilien to. Pian natulongan iray malabay a mandonasyon ed sankamundoan a kimey na Saray Tasi nen Jehova panamegley na charitable planning, walay brosyur diad English tan Spanish ya Charitable Planning to Benefit Kingdom Service Worldwide. Sayan brosyur et im-publish pian mangiter na impormasyon ed nanduruman paraan na panagdonasyon, ya iter la natan odino ipatawir sano naandi lad bilay imay akanggawa. Saray impormasyon ya nabasad sayan brosyur et nayarin ag-onaplikad amin ya situasyon lapud ganggan ed panagbuis odino arum nin ganggan ed bansa yo. Panamegley na sarayan paraan na panagdonasyon, dakel so makakasuportad sankamundoan a kimey tayo tan ed itutulong tayod saray mankaukolan. Makakala met iray diskuento ed babayaran dan buis. No wala iyan brosyur ed bansa yo, sarag yoy onkerew na kopya ed sekretaryo na kongregasyon yo.

Parad kaaruman ya impormasyon, onlad link ya “Mandonasyon Parad Sankamundoan a Kimey Mi” diad leksab na home page na jw.org, odino kontaken so branch office.

Ompan Nagustoan Mo Met

Tutorial ed Pandonasyon

Nengnengen no anto iray opsyon tan paraan pian makapandonasyon.

SAY PANAG-BANTAYAN—PANARALAN YA EDISYON