SAY PANAG-BANTAYAN—PANARALAN YA EDISYON Oktubre 2016
Walad sayan isyu iray aaralen ya artikulo parad Nobyembre 28 anggad Disyembre 25, 2016.
ISTORYAY BILAY
Inalig Ko Iray Maong ya Alimbawa
Makatulong so panamaseseg na maespiritual iran Kristiano pian makagawa tan nasumpal iray makanakanan goal. Inistorya nen Thomas McLain no panon ya angipanengneng na maong ya alimbawa so arum, tan no panon to met ya tinulongan so arum.
“Ipatnag so Kaabigan ed Saray Estranghero”
Antoy pangipapasen na Dios ed saray dayo? Panoy nepeg ya pantrato yod saray dayo pian nalikna dan welcome irad kongregasyon yo?
Mansiansian Mabiskeg ed Espiritual Legan ya Walad Teritoryan Sananey so Lenguahe
Nepeg ya prayuridad na amin ya Kristiano so pamprotektad espiritualidad da tan na pamilya da. Balet, no wala kad teritoryan sananey so lenguahe, wala ray subok ya nayarin naarap mo.
Kasin ‘Aalwaran Moy Makanan Karunongan’?
Antoy pidumaan na makanan karunongan ed kakabatan tan pakatalos? Makatulong ed sika so pangamtad pandumaan na saratan.
Pabiskeg Moy Pananisiam ed Saray Iilaloan Mo
Napaseseg tayod saray balibalin alimbawa na pananisia, nensaman tan natan. Panon mon napansiansian mabiskeg so pananisiam?
Ipanengneng Moy Pananisiam ed Saray Promisa nen Jehova
Anton talagay kabaliksan na pananisia? Tan, panon mon nipanengneng itan?
Kasin Antam La?
Panon kalaknab so kawayangan ya inter na Roma ed saray Judion manuley ed Judea nen inmunan siglo? Talaga kasin wala nensaman so mangisisibwag na sisanyas ed daralusan na arum?
