Kasin Nanonotan Yo?

Naapresia yo ta’n binasa so agano niran paway na Say Panag-Bantayan? Sirin, imanoen no naebatan yo so onggendan a tepetepet:

• Anto so importanti ed pakaareglo tayo’d agpantatalosan ed sananey?

Nepeg a bidbiren tayo a sikatayoy magmainomay a nawalaan na saray agsuston kanonotan tan awawey. Insan motekteken tayo no kasin sikatayo so sengegan na problema imbes a say sananey a too.​—8/15, pahina 23.

• Kapigan ‘iray panaon na panangipawil na ami’ ganagana,’ ya asaglawi ed Gawa 3:21?

Say panangipawil so onsabi ed duaran kagawa. Unona, wadtan so inkipawil na espiritual a paraison nanlapula’d 1919. Say kaaruman a kipawil so onsabi sano say dalin tayo so niletneg la bilang literal a paraiso.​—9/1, pahina 17, 18.

• Panon a saray gilata et andian na komandante, a singa naimano ed Uliran 6:6-8, balet ta maong ya alimbawa parad sikatayo?

Diad sakey ya ubong na gilata et walay reyna, balet sikato so reyna lambengat diad pantalos a sikatoy mangiknol tan pinagka-ina na saray gilata. Saray gilata so makuli, tan ontan itayo met komon, a pambanikelan tayon paaligwasen so trabaho tayo, anggano anggapoy manbabantay.​—w-E 9/15, pahina 26.

• Kasin say propesiya nen Hulda so susto, a singa nirekord ed 2 Arari 22:20, a si Josias so ompatey “ed kareenan,” lapud ta sikatoy inatey ed bakal?

On, sikatoy inatey ed kareenan unong ed pantalos a sikatoy inatey sakbay na desyang nen 609-607 K.K.P., sanen saray taga-Babilonia so angobkob tan aneral ed Jerusalem.​—9/15, pahina 30.

• Panon a makapadinayew ed si Solomon so impaneskribe to ed asawan bii bilang “maaro ya ulsa tan makaay-ayat a kanding ed palandey”? (Uliran 5:18, 19, NW)

Say kabatyan a kanding ya atap, odino kanding ed palandey, so maamo tan marakep so kakikiwas to. Siansia, sikatoy makapambilay tan makapan-anak diad saray lugar a mabato tan daiset so tagano.​—10/1, pahina 30, 31.

• Siopa ira di Henry Grew tan George Storrs?

Sayan duaran lalaki so nambilay ed dekaday 1800 tan maseet iran estudyante na Biblia. Naamtaan nen Grew a say Trinidad et agmakasulatan, a singa met ed saray doktrinan ag-ipapatey na kamarerwa tan say mangapuy-apoy ya impierno. Atebek nen Storrs a pigara lambengat so makagamor na anggapoy anggaan a bilay diad dalin. Sikaran dua so tinumbokan nen Charles Taze Russell, ya angigapon angipalapag ed sayan magasin nen 1879​—w-E 10/15, pahina 26-30.

• Panoy panmoria na saray Tastasi nen Jehova ed saray medikal a paraan ya usaren so dilin dala na sakey?

Diad pangibabase ra na saray sisiaen da unong ed Biblia, agda papaisimpen so dilin dala ra insan diad saginonor et paisaksak da lamet itan. Nepeg a mandesidi so balang Kristiano ed inkasikato no panon so pangusar ed dilin dala to legan na operasyon, medikal a panagsuri, odino peles a terapi. Nepeg ton nonoten no antoy ibabaga na Biblia nipaakar ed dala tan tandaan a sikatoy sigpot a dedikado ed Dios.​—10/15, pahina 30, 31.

• Anton makatantandan pankaukolan ed limog na Tastasi nen Jehova diad sankagloboan so impatnag na agawan surbi ed kagapo na sayan taon?

Wala so pankaukolan parad masulok a 11,000 a Kingdom Hall diad saray mairap a nasyon, a limitado ra ed pinansyal. Saray kontribusyon a manlalapud Kristianos diad dakel a daldalin so nauusar diad kipaalagey na makapenek iran napantitiponan.​—11/1, pahina 30.

• Antoray pigaran salita ed orihinal a lenguahe ya inusar ed Biblia a nisisiglaot ed panagdayew?

Say sakey et say lei·tour·giʹa, a nipatalos a “serbisyo ed totoo.” Say sananey et la·treiʹa, a nipatalos a “sagradon serbisyo.” (Hebreos 10:11; Lucas 2:36, 37)​—11/15, pahina 11, 12.

• Anton importantin leksion so naaralan tayo manlapud salaysay na Biblia nipaakar ed si Adan tan Eva?

Antokaman a panangipatnag na isisian ed si Jehova a Dios so sigpot a kakulangkulangan.​—w-E 11/15, pahina 24-7.

• Anton so walan Makasulatan a prueba a say Dios et papabiskegen to iray lingkor to?

Si David, Habacuc, tan si apostol Pablo so mismon amaneknek a sikaray inikdan nen Jehova a Dios na biskeg, odino pakayari. (Salmo 60:12; Habacuc 3:19; Filipos 4:13) Sirin, makapankompiyansa itayo a say Dios so mabulos tan sarag ton pabiskegen itayo.​—12/1, pahina 10, 11.