Akin a Bayuboan so Birtud?

SAY wala la’d kapegleyan ya edad a Hapon, a manngaran na Kunihito, so agano nin inmalis ed Estados Unidos. * Pigaran simba kasabi to, sikatoy nidunget ed situasyon ya aneral lawari ed karera to. Oniay insalaysay nen Kunihito: “Sanen tinepet ak na superbaysor ko no kasin nagawaan ko so sakey a responsabilidad, matalek ak a tuloy a mangawat ed satan. Balet, lapud binalegan kon panmoria a say kapaabebaan et sakey a birtud, say inyebat ko et: ‘Agak segurado no sarag ko itan, balet ta gawaen koy anggaay nayarian ko.’ Parad Amerikanon superbaysor ko, ompatnag a singa agak onkualipika tan anggapoy kompiyansak. Nen naamtaan ko itan, amoriak a kaukolan koy manguman.”

Si Maria, a manaayam ed New York City, so mautek ya estudyante, a mabulos lawas ya ontulong ed saray kaklase to. Si Juan a kapara ton estudyante so sagpaminsan a patutulongan ed si Maria. Balet ta walaan met na panggusto si Juan ed sikato tan panggugunaetan ton pasikatan. Anggaman pilalek nen Maria so mansiansian malinis ed moral, asabin sikatoy sinmuko ed imoral iran panagkarenyo nen Juan tan akagawa na mabanday a kondukta ed sekso.

Talagan sakey ya angat so pangipatnag na birtud ed nanduruman kultura tan abulok ed moral a mundo natan. Kanian akin a bayuboan so birtud? Lapud say maong a kondukta et mamaliket ed Dios, tan seguradon maslak ed sikatayo so manpilalek ed abobon to.

Sisimbawaen na Salita na Dios, say Biblia, iray manbabasa ed satan a bayuboan da so birtud. Alimbawa, insulat nen apostol Pablo: “No wala so antokaman a kasimpitan, no wala so antokaman a daydayewen morekdek yo so sarayan bengatla.” (Filipos 4:8) Tan papasesegen itayo nen apostol Pedro a mangisekar na ‘seseg ed pangipatnag na birtud ed pananisia tayo.’ (2 Pedro 1:5) Balet anto so birtud? Nayari kasin ibangat itan ed klase? Panon tayon bayuboan itan?

[Paimano ed leksab]